៦-១១. ឆេទនាទិសុត្តំ

១១៦៦-១១៧១. …បេ… ឯវមេវ ខោ, ភិក្ខវេ, អប្បកា តេ សត្តា យេ ឆេទនវធពន្ធនវិបរាមោសអាលោបសហសាការា [សាហសាការា (ក.)] បដិវិរតា; អថ ខោ ឯតេវ ពហុតរា សត្តា យេ ឆេទនវធពន្ធនវិបរាមោសអាលោបសហសាការា អប្បដិវិរតា. តំ កិស្ស ហេតុ? អទិដ្ឋត្តា ភិក្ខវេ, ចតុន្នំ អរិយសច្ចានំ. កតមេសំ ចតុន្នំ? ទុក្ខស្ស អរិយសច្ចស្ស…បេ… ទុក្ខនិរោធគាមិនិយា បដិបទាយ អរិយសច្ចស្ស’’.

‘‘តស្មាតិហ, ភិក្ខវេ, ‘ឥទំ ទុក្ខ’ន្តិ យោគោ ករណីយោ…បេ… ‘អយំ ទុក្ខនិរោធគាមិនី បដិបទា’តិ យោគោ ករណីយោ’’តិ. ឯកាទសមំ.

ចតុត្ថអាមកធញ្ញបេយ្យាលវគ្គោ ទសមោ.

តស្សុទ្ទានំ –

ខេត្តំ កាយំ ទូតេយ្យញ្ច, តុលាកូដំ ឧក្កោដនំ;

ឆេទនំ វធពន្ធនំ, វិបរាលោបំ សាហសន្តិ.