១០. ចតុត្ថអាមកធញ្ញបេយ្យាលវគ្គោ

១. ខេត្តវត្ថុសុត្តំ

១១៦១. …បេ… ‘‘ឯវមេវ ខោ, ភិក្ខវេ, អប្បកា តេ សត្តា យេ ខេត្តវត្ថុបដិគ្គហណា បដិវិរតា; អថ ខោ ឯតេវ ពហុតរា សត្តា យេ ខេត្តវត្ថុបដិគ្គហណា អប្បដិវិរតា…បេ…. បឋមំ.

២. កយវិក្កយសុត្តំ

១១៦២. …បេ… ‘‘ឯវមេវ ខោ, ភិក្ខវេ, អប្បកា តេ សត្តា យេ កយវិក្កយា បដិវិរតា; អថ ខោ ឯតេវ ពហុតរា សត្តា យេ កយវិក្កយា អប្បដិវិរតា…បេ…. ទុតិយំ.

៣. ទូតេយ្យសុត្តំ

១១៦៣. …បេ… ‘‘ឯវមេវ ខោ, ភិក្ខវេ, អប្បកា តេ សត្តា យេ ទូតេយ្យបហិនគមនានុយោគា បដិវិរតា; អថ ខោ ឯតេវ ពហុតរា សត្តា យេ ទូតេយ្យបហិនគមនានុយោគា អប្បដិវិរតា…បេ…. តតិយំ.

៤. តុលាកូដសុត្តំ

១១៦៤. …បេ… ‘‘ឯវមេវ ខោ, ភិក្ខវេ, អប្បកា តេ សត្តា យេ តុលាកូដកំសកូដមានកូដា បដិវិរតា; អថ ខោ ឯតេវ ពហុតរា សត្តា យេ តុលាកូដកំសកូដមានកូដា អប្បដិវិរតា…បេ…. ចតុត្ថំ.

៥. ឧក្កោដនសុត្តំ

១១៦៥. …បេ… ‘‘ឯវមេវ ខោ, ភិក្ខវេ, អប្បកា តេ សត្តា យេ ឧក្កោដនវញ្ចននិកតិសាចិយោគា [ឧក្កោដនវញ្ចននិកតិសាវិយោគា (ស្យា. កំ. បី. ក.)] បដិវិរតា; អថ ខោ ឯតេវ ពហុតរា សត្តា យេ ឧក្កោដនវញ្ចននិកតិសាចិយោគា អប្បដិវិរតា…បេ…. បញ្ចមំ.

៦-១១. ឆេទនាទិសុត្តំ

១១៦៦-១១៧១. …បេ… ឯវមេវ ខោ, ភិក្ខវេ, អប្បកា តេ សត្តា យេ ឆេទនវធពន្ធនវិបរាមោសអាលោបសហសាការា [សាហសាការា (ក.)] បដិវិរតា; អថ ខោ ឯតេវ ពហុតរា សត្តា យេ ឆេទនវធពន្ធនវិបរាមោសអាលោបសហសាការា អប្បដិវិរតា. តំ កិស្ស ហេតុ? អទិដ្ឋត្តា ភិក្ខវេ, ចតុន្នំ អរិយសច្ចានំ. កតមេសំ ចតុន្នំ? ទុក្ខស្ស អរិយសច្ចស្ស…បេ… ទុក្ខនិរោធគាមិនិយា បដិបទាយ អរិយសច្ចស្ស’’.

‘‘តស្មាតិហ, ភិក្ខវេ, ‘ឥទំ ទុក្ខ’ន្តិ យោគោ ករណីយោ…បេ… ‘អយំ ទុក្ខនិរោធគាមិនី បដិបទា’តិ យោគោ ករណីយោ’’តិ. ឯកាទសមំ.

ចតុត្ថអាមកធញ្ញបេយ្យាលវគ្គោ ទសមោ.

តស្សុទ្ទានំ –

ខេត្តំ កាយំ ទូតេយ្យញ្ច, តុលាកូដំ ឧក្កោដនំ;

ឆេទនំ វធពន្ធនំ, វិបរាលោបំ សាហសន្តិ.