១០. បជ្ជោតសុត្តំ

៨០. ‘‘កិំសុ លោកស្មិ បជ្ជោតោ, កិំសុ លោកស្មិ ជាគរោ;

កិំសុ កម្មេ សជីវានំ, កិមស្ស ឥរិយាបថោ.

‘‘កិំសុ អលសំ អនលសញ្ច [កិំ អាលស្យានាលស្យញ្ច (ក.)], មាតា បុត្តំវ បោសតិ;

កិំ ភូតា ឧបជីវន្តិ, យេ បាណា បថវិស្សិតា’’តិ.

‘‘បញ្ញា លោកស្មិ បជ្ជោតោ, សតិ លោកស្មិ ជាគរោ;

គាវោ កម្មេ សជីវានំ, សីតស្ស ឥរិយាបថោ.

‘‘វុដ្ឋិ អលសំ អនលសញ្ច, មាតា បុត្តំវ បោសតិ;

វុដ្ឋិំ ភូតា ឧបជីវន្តិ, យេ បាណា បថវិស្សិតា’’តិ.