១០. ទីឃដ្ឋិបញ្ហោ

១០. រាជា អាហ ‘‘ភន្តេ នាគសេន, តុម្ហេ ឯវំ ភណថ ‘អដ្ឋិកានិ ទីឃានិ យោជនសតិកានិបី’តិ, រុក្ខោបិ តាវ នត្ថិ យោជនសតិកោ, កុតោ បន អដ្ឋិកានិ ទីឃានិ យោជនសតិកានិ ភវិស្សន្តី’’តិ?

‘‘តំ កិំ មញ្ញសិ, មហារាជ, សុតំ តេ ‘មហាសមុទ្ទេ បញ្ចយោជនសតិកាបិ មច្ឆា អត្ថី’’’តិ? ‘‘អាម, ភន្តេ, សុត’’ន្តិ. ‘‘ននុ មហារាជ, បញ្ចយោជនសតិកស្ស មច្ឆស្ស អដ្ឋិកានិ ទីឃានិ ភវិស្សន្តិ យោជនសតិកានិបី’’តិ?

‘‘កល្លោសិ, ភន្តេ នាគសេនា’’តិ.

ទីឃដ្ឋិបញ្ហោ ទសមោ.