១០. ចិរកតសរណបញ្ហោ

១០. រាជា អាហ ‘‘ភន្តេ នាគសេន, កេន អតីតំ ចិរកតំ សរតី’’តិ? ‘‘សតិយា, មហារាជា’’តិ. ‘‘ននុ, ភន្តេ នាគសេន, ចិត្តេន សរតិ នោ សតិយា’’តិ? ‘‘អភិជានាសិ នុ, ត្វំ មហារាជ, កិញ្ចិទេវ ករណីយំ កត្វា បមុដ្ឋ’’ន្តិ? ‘‘អាម ភន្តេ’’តិ. ‘‘កិំ នុ ខោ, ត្វំ មហារាជ, តស្មិំ សមយេ អចិត្តកោ អហោសី’’តិ? ‘‘ន ហិ, ភន្តេ, សតិ តស្មិំ សមយេ នាហោសី’’តិ. ‘‘អថ កស្មា, ត្វំ មហារាជ, ឯវមាហ ‘ចិត្តេន សរតិ, នោ សតិយា’’’តិ?

‘‘កល្លោសិ, ភន្តេ នាគសេនា’’តិ.

ចិរកតសរណបញ្ហោ ទសមោ.