៥. អាសវកថាវណ្ណនា

៧២៤-៧២៥. ឥទានិ អាសវកថា នាម ហោតិ. តត្ថ យស្មា ចតូហិ អាសវេហិ ឧត្តរិ អញ្ញោ អាសវោ នាម នត្ថិ, យេន ចត្តារោ អាសវា សាសវា សិយុំ, តស្មា ចត្តារោ អាសវា អនាសវាតិ យេសំ លទ្ធិ, សេយ្យថាបិ ហេតុវាទានំ; តេ សន្ធាយ បុច្ឆា សកវាទិស្ស, បដិញ្ញា ឥតរស្ស. អថ នំ ‘‘យទិ តេ អាសវា អនាសវា, ឯវំ សន្តេ តេហិ មគ្គាទិលក្ខណប្បត្តេហិ ភវិតព្ព’’ន្តិ ចោទេតុំ មគ្គោតិអាទិមាហ. សេសមេត្ថ ឧត្តានត្ថមេវាតិ.

អាសវកថាវណ្ណនា.