រូបាវចរារូបាវចរកិរិយំ

៥៧៧. រូបាវចរារូបាវចរកិរិយនិទ្ទេសេសុ ទិដ្ឋធម្មសុខវិហារន្តិ ទិដ្ឋធម្មេ, ឥមស្មិំយេវ អត្តភាវេ, សុខវិហារមត្តំ. តត្ថ ខីណាសវស្ស បុថុជ្ជនកាលេ និព្ពត្តិតា សមាបត្តិ យាវ ន នំ សមាបជ្ជតិ តាវ កុសលាវ សមាបន្នកាលេ កិរិយា ហោតិ. ខីណាសវកាលេ បនស្ស និព្ពត្តិតា សមាបត្តិ កិរិយាវ ហោតិ. សេសំ សព្ពំ តំសទិសត្តា កុសលនិទ្ទេសេ វុត្តនយេនេវ វេទិតព្ពន្តិ.

អដ្ឋសាលិនិយា ធម្មសង្គហអដ្ឋកថាយ

ចិត្តុប្បាទកណ្ឌកថា និដ្ឋិតា.

អព្យាកតបទំ បន នេវ តាវ និដ្ឋិតន្តិ.

ចិត្តុប្បាទកណ្ឌវណ្ណនា និដ្ឋិតា.