(១៤) ឆ ទិដ្ឋិយោ

៩៤៨. តត្ថ កតមា ឆ ទិដ្ឋិយោ? ‘‘អត្ថិ មេ អត្តា’’តិ វា អស្ស សច្ចតោ ថេតតោ ទិដ្ឋិ ឧប្បជ្ជតិ, ‘‘នត្ថិ មេ អត្តា’’តិ វា អស្ស សច្ចតោ ថេតតោ ទិដ្ឋិ ឧប្បជ្ជតិ, ‘‘អត្តនា វា អត្តានំ សញ្ជានាមី’’តិ វា អស្ស សច្ចតោ ថេតតោ ទិដ្ឋិ ឧប្បជ្ជតិ, ‘‘អត្តនា វា អនត្តានំ សញ្ជានាមី’’តិ វា អស្ស សច្ចតោ ថេតតោ ទិដ្ឋិ ឧប្បជ្ជតិ, ‘‘អនត្តនា វា អត្តានំ សញ្ជានាមី’’តិ វា អស្ស សច្ចតោ ថេតតោ ទិដ្ឋិ ឧប្បជ្ជតិ; អថ វា បនស្ស ឯវំទិដ្ឋិ ហោតិ – ‘‘សោ មេ អយំ អត្តា វទោ វេទេយ្យោ តត្រ តត្រ ទីឃរត្តំ កល្យាណបាបកានំ កម្មានំ វិបាកំ បច្ចនុភោតិ. ន សោ ជាតោ នាហោសិ, ន សោ ជាតោ ន ភវិស្សតិ, និច្ចោ ធុវោ សស្សតោ អវិបរិណាមធម្មោ’’តិ វា បនស្ស សច្ចតោ ថេតតោ ទិដ្ឋិ ឧប្បជ្ជតិ. ឥមា ឆ ទិដ្ឋិយោ.

ឆក្កំ.