(១៣) ឆ គេហសិតា ឧបេក្ខា

តត្ថ កតមា ឆ គេហសិតា ឧបេក្ខា? ឧបេក្ខាដ្ឋានិយេសុ រូបេសុ គេហសិតំ ចេតសិកំ នេវ សាតំ នាសាតំ ចេតោសម្ផស្សជំ អទុក្ខមសុខំ វេទយិតំ ចេតោសម្ផស្សជា អទុក្ខមសុខា វេទនា, ឧបេក្ខាដ្ឋានិយេសុ សទ្ទេសុ…បេ… ឧបេក្ខាដ្ឋានិយេសុ គន្ធេសុ…បេ… ឧបេក្ខាដ្ឋានិយេសុ រសេសុ…បេ… ឧបេក្ខាដ្ឋានិយេសុ ផោដ្ឋព្ពេសុ…បេ… ឧបេក្ខាដ្ឋានិយេសុ ធម្មេសុ គេហសិតំ ចេតសិកំ នេវ សាតំ នាសាតំ ចេតោសម្ផស្សជំ អទុក្ខមសុខំ វេទយិតំ ចេតោសម្ផស្សជា អទុក្ខមសុខា វេទនា – ឥមា ឆ គេហសិតា ឧបេក្ខា.