(៣៤. ក) មុដ្ឋស្សច្ចំ

៩៣៥. តត្ថ កតមំ មុដ្ឋស្សច្ចំ? យា អស្សតិ អននុស្សតិ អប្បដិស្សតិ អស្សតិ អស្សរណតា អធារណតា បិលាបនតា សម្មុសនតា – ឥទំ វុច្ចតិ ‘‘មុដ្ឋស្សច្ចំ’’.

(ខ) អសម្បជញ្ញំ

តត្ថ កតមំ អសម្បជញ្ញំ? យំ អញ្ញាណំ អទស្សនំ …បេ… អវិជ្ជាលង្គី មោហោ អកុសលមូលំ – ឥទំ វុច្ចតិ ‘‘អសម្បជញ្ញំ’’.

(គ) ចេតសោ វិក្ខេបោ

តត្ថ កតមោ ចេតសោ វិក្ខេបោ? យំ ចិត្តស្ស ឧទ្ធច្ចំ អវូបសមោ ចេតសោ វិក្ខេបោ ភន្តត្តំ ចិត្តស្ស – អយំ វុច្ចតិ ‘‘ចេតសោ វិក្ខេបោ’’.