(៣) តិស្សោ អកុសលសញ្ញា

៩១១. តត្ថ កតមា តិស្សោ អកុសលសញ្ញា? កាមសញ្ញា, ព្យាបាទសញ្ញា, វិហិំសាសញ្ញា.

(ក) តត្ថ កតមា កាមសញ្ញា? កាមបដិសំយុត្តា សញ្ញា សញ្ជាននា សញ្ជានិតត្តំ – អយំ វុច្ចតិ ‘‘កាមសញ្ញា’’.

(ខ) តត្ថ កតមា ព្យាបាទសញ្ញា? ព្យាបាទបដិសំយុត្តា សញ្ញា សញ្ជាននា សញ្ជានិតត្តំ – អយំ វុច្ចតិ ‘‘ព្យាបាទសញ្ញា’’.

(គ) តត្ថ កតមា វិហិំសាសញ្ញា? វិហិំសាបដិសំយុត្តា សញ្ញា សញ្ជាននា សញ្ជានិតត្តំ – អយំ វុច្ចតិ ‘‘វិហិំសាសញ្ញា’’. ឥមា តិស្សោ អកុសលសញ្ញា.