៥៨. តេន

លោកិយាតិ បរសទ្ទសត្ថការេ សន្ធាយាហ. ឥហ តុ អវិសេសេន វុត្តន្តិ សម្ពន្ធោ. និរុត្តិយំ សាមញ្ញេន វុត្តត្តាតិ យោជនា. សាមញ្ញេន វុត្តាការំ ទស្សេតុំ ‘កថ’ន្តិអាទិ វុត្តំ. ទេវេហិ ទត្តោ ព្រហ្មុនា ទត្តោតិអាទីនិ កត្តរិ ករណេ វា វិគ្គហវាក្យានិ. ទេវទត្តោ ទេវទត្តិកោ ទេវិយោ ទេវលោតិអាទីនិ វុត្តិបទានិ.

តត្ថ និរុត្តិបិដកាគតានំ ‘ទេវទត្តា ទេវទត្តិកោ’តិអាទីនំ វុត្តិបទានមញ្ញថា និប្ផត្តិមុបទស្សិយ ទេវលោ ទេវិយោតិអាទីនម្បន វចនន្តរេនេវ និប្ផត្តិំ ទស្សេតុំ ‘ទេវេហិ ទត្តោ’តិអាទិ វុត្តំ. បរសទ្ទសត្ថការានម្បិ ទេវលោ ទេវិយោតិ វចនន្តរេនេវ សាធនំ សាធនាការញ្ច តេសំ ទស្សេតុំ ‘កេចីហី’តិអាទិ វុត្តំ. ឯកទេសតោយេវ បច្ចយមិច្ឆន្តិ តេន តេសំ ទេវលោ ទេវិយោ ទត្តិ លោច្ចាទិ ភវតិ. កប្បនាគារវោតិ ទត្តសទ្ទលោបនាមេកទេសវសេន កប្បនាគារវោ.