៥៧. កិម្ហា

សមុទាយោ នាម ទ្វ្យវយវោ វា សិយា ពហុកាវយវោ វា, តត្ថ ទ្វ្យវយវសមុទាយា និទ្ធារណេ សាមត្ថិយា ឯកស្សេវ និទ្ធារណំ វិញ្ញាយតិ តមេវានុសរតិ. ពហុកាវយវសមុទាយាប្យេ ‘កស្ស និទ្ធារណេ’តិ សុត្តេ ឯកស្សាតិ វចនាភាវេបិ ឯកស្សេវ និទ្ធារណំ វិញ្ញាតព្ពំ តេនេវ កតរោ ភវតំ ទេវទត្តោ’ត្យាទិកមុទាហរណមទាសិ. កតរោ ភវតំ ទេវទត្តោ កតរោ ភវតំ កឋោត្យាទ្យុទាហរណពហុត្តេន និទ្ធារណវាចីនមពហុត្ថេបិ និទ្ធារិយមានវាចីហី’តិ ពហុត្តេន វុត្តំ. អបច្ចបរំបរាយ បវត្តំ គោត្តំ វំសោ, តទភិ ធាយិនោ អបច្ចប្បច្ចយន្តាបិ អភេទោបចារេន គោត្តំ, តេវាបច្ចា បច្ចវន្តសម្ពន្ធទ្វារេនាបច្ចេ បវត្តាតិ សម្ពន្ធិសទ្ទា ភវន្តិ, ចរណសទ្ទា ច កឋា យោ កិរិយាសទ្ទា ភវន្តិ កឋាទីហិ វុត្តជ្ឈយនត្ថំ យថា សកំវតចរណកិរិយានិមិត្តត្តេនាជ្ឈេតូសុ បវត្តាតិ តេសំ សម្ពន្ធិសទ្ទានំ កេសញ្ចិ អត្ថស្ស កិរិយាសទ្ទានំ ចាត្ថស្ស អសត្យបិ ជាតិត្តេ ជាតិនិពន្ធនំ លោកេ ការិយមិដ្ឋំ តទុត្តំ ‘‘គោត្តញ្ច ចរ- ណេហិ សហា’’តិ. តត្ថាបិ ជាតិត្តម្បរិភាសិតំ, តេនាហ- ‘កឋស្ស ចរណត្តា ជាតិត្តំ គោតត្តា ជាតិត្ត’ន្តិ ច.