੭. ਸਂਵਿਧਾਨਸਿਕ੍ਖਾਪਦਵਣ੍ਣਨਾ

੪੧੨. ‘‘ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਇਤ੍ਥੀ’’ਤਿ ਚ ਪਾਠੋ ਅਤ੍ਥਿ, ਕੇਸੁਚਿ ਨਤ੍ਥਿ. ਨਤ੍ਥਿਭਾਵੋ ਸੁਨ੍ਦਰੋ ‘‘ਤੇਨ ਖੋ ਸਮਯੇਨਾ’’ਤਿ ਅਧਿਕਾਰਤ੍ਤਾਤਿ ਕੇਚਿ. ਇਧ ਏਕਤੋਉਪਸਮ੍ਪਨ੍ਨਾ, ਸਿਕ੍ਖਮਾਨਾ, ਸਾਮਣੇਰੀਤਿ ਇਮਾਪਿ ਤਿਸ੍ਸੋ ਸਙ੍ਗਹਂ ਗਚ੍ਛਨ੍ਤਿ. ਇਮਾਸਂ ਪਨ ਸਮਯੋ ਰਕ੍ਖਤਿ, ਅਯਮਿਮਾਸਂ, ਮਾਤੁਗਾਮਸ੍ਸ ਚ ਵਿਸੇਸੋ.

੪੧੪. ਅਪਿਚੇਤ੍ਥ ‘‘ਵਿਞ੍ਞੂ ਪਟਿਬਲਾ’’ਤਿ ਵਚਨਤੋ ਅਪ੍ਪਟਿਬਲਾ ਅਨਾਪਤ੍ਤਿਵਤ੍ਥੁਕਾਤਿ ਏਕੇ, ਤਂ ਨ ਯੁਤ੍ਤਂ ਦੁਕ੍ਕਟਵਤ੍ਥੁਕਤ੍ਤਾ. ‘‘ਭਿਕ੍ਖੁ ਸਂਵਿਦਹਤਿ, ਮਾਤੁਗਾਮੋ ਨ ਸਂਵਿਦਹਤਿ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ ਹਿ ਵੁਤ੍ਤਂ. ਤਥਾ ਹਿ ਉਪਪਰਿਕ੍ਖਿਤਬ੍ਬਂ.

ਸਂਵਿਧਾਨਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.