੮. ਅਰਿਟ੍ਠਸਿਕ੍ਖਾਪਦਵਣ੍ਣਨਾ

੪੧੭. ਗਹਟ੍ਠਸ੍ਸਾਪਿ ਭਿਕ੍ਖੁਨੀਦੂਸਕਕਮ੍ਮਂ ਮੋਕ੍ਖਨ੍ਤਰਾਯਿਕਮੇਵ, ਤਸ੍ਮਾ ਤਸ੍ਸ ਪਬ੍ਬਜ੍ਜਾਪਿ ਪਟਿਕ੍ਖਿਤ੍ਤਾ. ਵਿਪਾਕਨ੍ਤਰਾਯਿਕਾ ਅਹੇਤੁਕਤ੍ਤਾ. ਪੁਬ੍ਬੇ ਸਞ੍ਚਿਚ੍ਚ ਆਪਨ੍ਨਾ ਸਮ੍ਮੁਟ੍ਠਾ ਸੁਦ੍ਧਸਞ੍ਞਿਨੋ ਅਨ੍ਤਰਾਯਿਕਾ ਏਵ. ਸੇਸਾਤਿ ਜਾਤਿਕਾ. ਰਸੇਨਾਤਿ ਭਾਵੇਨ. ਅਧਿਕੁਟ੍ਟਨਟ੍ਠੇਨਾਤਿ ਅਧਿਕਰਣਂ ਕਤ੍ਵਾ ਕੁਟ੍ਟਨਟ੍ਠੇਨ ਛਿਨ੍ਦਨਟ੍ਠੇਨ. ਅਸਿਸੂਨੂਪਮਾ ਕੁਸਲਧਮ੍ਮਚ੍ਛੇਦਨਟ੍ਠੇਨ. ਸਤ੍ਤਿਸੂਲੂਪਮਾ ਚਿਤ੍ਤਵਿਤੁਦਨਟ੍ਠੇਨਾਤਿ ਪੋਰਾਣਾ. ਅਨਾਪਤ੍ਤਿਪਾਲ਼ਿਯਂ ‘‘ਆਦਿਕਮ੍ਮਿਕਸ੍ਸਾ’’ਤਿ ਮੁਖਾਰੁਲ਼੍ਹਵਸੇਨ ਲਿਖਿਤਂ.

ਅਰਿਟ੍ਠਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.