੨. ਸੁਦ੍ਧਕਾਲ਼ਕਸਿਕ੍ਖਾਪਦਵਣ੍ਣਨਾ

ਕਾਲ਼ਕਾਨਨ੍ਤਿ ਸਭਾਵੇਨ ਵਾ ਰਜਨੇਨ ਵਾ ਕਾਲ਼ਕਾਨਂ. ਯਥਾਹ ‘‘ਕਾਲ਼ਕਂ ਨਾਮ ਦ੍ਵੇ ਕਾਲ਼ਕਾਨਿ ਜਾਤਿਯਾ ਕਾਲ਼ਕਂ ਵਾ ਰਜਨਕਾਲ਼ਕਂ ਵਾ’’ਤਿ. ਅਞ੍ਞੇਹਿ ਅਮਿਸ੍ਸਿਤਾਨਨ੍ਤਿ ਅਞ੍ਞੇਹਿ ਅਮਿਸ੍ਸਿਤਕਾਲ਼ਕਾਨਨ੍ਤਿ ਅਤ੍ਥੋ. ‘‘ਯਥਾ ਪਠਮੇ ‘ਏਕੇਨਾਪਿ ਕੋਸਿਯਂਸੁਨਾ’ਤਿ (ਕਙ੍ਖਾ. ਅਟ੍ਠ. ਕੋਸਿਯਸਿਕ੍ਖਾਪਦਵਣ੍ਣਨਾ) ਵੁਤ੍ਤਂ, ਤਥਾ ਇਧਾਪਿ ‘ਏਕੇਨਾਪਿ ਅਞ੍ਞੇਨ ਅਮਿਸ੍ਸੇਤ੍ਵਾ’ਤਿ ਅਵੁਤ੍ਤਤ੍ਤਾ ਅਞ੍ਞੇਨ ਪਨ ਮਿਸ੍ਸਕਭੋਗੇਪਿ ਅਪਞ੍ਞਾਯਮਾਨਰੂਪਕਂ ਚੇ ‘ਸੁਦ੍ਧਕਾਲ਼ਕ’ਮਿਚ੍ਚੇਵ ਵੁਚ੍ਚਤੀ’’ਤਿ (ਵਜਿਰ. ਟੀ. ਪਾਰਾਜਿਕ ੫੪੭) ਵਦਨ੍ਤਿ.

ਏਤ੍ਥ ਚ ‘‘ਇਦਂ ਮੇ, ਭਨ੍ਤੇ, ਸੁਦ੍ਧਕਾਲ਼ਕਾਨਂ ਏਲ਼ਕਲੋਮਾਨਂ ਸਨ੍ਥਤ’’ਨ੍ਤਿਆਦਿਨਾ (ਪਾਰਾ. ੫੪੯) ਨਿਸ੍ਸਜ੍ਜਨਵਿਧਾਨਂ ਵੇਦਿਤਬ੍ਬਂ. ਸੇਸਨ੍ਤਿ ਪੁਬ੍ਬਪਯੋਗਦੁਕ੍ਕਟਚਤੁਕ੍ਕਪਾਚਿਤ੍ਤਿਯਾਦਿਕਂ. ਅਙ੍ਗੇਸੁ ਪਨ ‘‘ਸੁਦ੍ਧਕਾਲ਼ਕਭਾਵੋ’’ਤਿ ਅਯਂ ਵਿਸੇਸੋ.

ਸੁਦ੍ਧਕਾਲ਼ਕਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.