੩. ਵਿਪਾਕਤ੍ਤਿਕਵਣ੍ਣਨਾ

੧-੨੩. ਵਿਪਾਕਤ੍ਤਿਕੇ ਵਿਪਾਕਧਮ੍ਮਂ ਪਟਿਚ੍ਚਾਤਿ ਵਿਪਾਕਂ ਧਮ੍ਮਂ ਪਟਿਚ੍ਚ. ਸਮਾਸੇਨਪਿ ਹਿ ਸੋਯੇਵਤ੍ਥੋ ਵੁਤ੍ਤੋਤਿ ਪਾਲ਼ਿਯਂ ਸਮਾਸਂ ਕਤ੍ਵਾ ਲਿਖਿਤਂ.

੨੪-੫੨. ‘‘ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਂ ਪਟਿਚ੍ਚ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮੋ ਉਪ੍ਪਜ੍ਜਤਿ ਨਵਿਪਾਕਪਚ੍ਚਯਾ’’ਤਿ ਏਤਸ੍ਸ ਵਿਭਙ੍ਗੇ ‘‘ਮਹਾਭੂਤੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ ਉਪਾਦਾਰੂਪ’’ਨ੍ਤਿ ਏਤ੍ਤਕਮੇਵ ਵੁਤ੍ਤਂ, ਨ ਵੁਤ੍ਤਂ ‘‘ਕਟਤ੍ਤਾਰੂਪ’’ਨ੍ਤਿ. ਤਂ ਖਨ੍ਧੇ ਪਟਿਚ੍ਚ ਉਪ੍ਪਜ੍ਜਮਾਨਸ੍ਸ ਮਹਾਭੂਤੇ ਪਟਿਚ੍ਚ ਉਪ੍ਪਤ੍ਤਿਦਸ੍ਸਨਤ੍ਥਤ੍ਤਾ ਨ ਵੁਤ੍ਤਂ. ਨ ਹੇਤ੍ਥ ਕਟਤ੍ਤਾਰੂਪਸ੍ਸ ਖਨ੍ਧੇ ਪਟਿਚ੍ਚ ਉਪ੍ਪਤ੍ਤਿ ਅਤ੍ਥਿ, ਯਸ੍ਸ ਮਹਾਭੂਤੇ ਪਟਿਚ੍ਚ ਉਪ੍ਪਤ੍ਤਿ ਵਤ੍ਤਬ੍ਬਾ ਸਿਯਾ. ਪਵਤ੍ਤਿਯਂ ਪਨ ਕਟਤ੍ਤਾਰੂਪਂ ‘‘ਅਸਞ੍ਞਸਤ੍ਤਾਨਂ…ਪੇ… ਮਹਾਭੂਤੇ ਪਟਿਚ੍ਚ ਕਟਤ੍ਤਾਰੂਪਂ ਉਪਾਦਾਰੂਪ’’ਨ੍ਤਿ ਏਤੇਨੇਵ ਦਸ੍ਸਿਤਂ ਹੋਤਿ. ਏਵਞ੍ਚ ਕਤ੍ਵਾ ਅਸਞ੍ਞਸਤ੍ਤਾਨਂ ਰੂਪਸਮਾਨਗਤਿਕਤ੍ਤਾ ਨਾਹਾਰਪਚ੍ਚਯੇ ਚ ਪਵਤ੍ਤਿਯਂ ਕਟਤ੍ਤਾਰੂਪਂ ਨ ਉਦ੍ਧਟਂ. ਤਮ੍ਪਿ ਹਿ ਉਪ੍ਪਾਦਕ੍ਖਣੇ ਆਹਾਰਪਚ੍ਚਯੇਨ ਵਿਨਾ ਉਪ੍ਪਜ੍ਜਤੀਤਿ ਉਦ੍ਧਰਿਤਬ੍ਬਂ ਸਿਯਾਤਿ.

ਵਿਪਾਕਤ੍ਤਿਕਵਣ੍ਣਨਾ ਨਿਟ੍ਠਿਤਾ.