੭੮. ਏਯ੍ਯਾ
ਅਞ੍ਞਤ੍ਰਾਪੀਤਿ ਭਵੇਯ੍ਯਾਮੁਭਵੇਯ੍ਯਾਮਇਚ੍ਚਤ੍ਰਾਪਿ.
ਇਤਿ ਮੋਗ੍ਗਲ੍ਲਾਨਪਞ੍ਚਿਕਾਟੀਕਾਯਂ ਸਾਰਤ੍ਥਵਿਲਾਸਿਨਿਯਂ
ਛਟ੍ਠਕਣ੍ਡਵਣ੍ਣਨਾ ਨਿਟ੍ਠਿਤਾ.
ਨਿਟ੍ਠਿਤਾ ਚ ਸਬ੍ਬਥਾ ਸਾਰਤ੍ਥਵਿਲਾਸਿਨੀ ਟੀਕੇਤਿ.
ਨਿਗਮ
੧. ਸਬ੍ਬਦਾ ਸੁਭਦਾਯਿਤ੍ਤਾ, ਸਤ੍ਤਾਨਨ੍ਤਨਿਸੇਵਿਤੇ;
ਪਸਤ੍ਥੇ-ਨ੍ਵਤ੍ਥਸਞ੍ਞਾਯ, ਪਞ੍ਞਾਤੇ ਸੁਭਸਞ੍ਞਿਤੇ.
੨. ਚਾਗਵਿਕ੍ਕਮਪਞ੍ਞਾਨੁਦ੍ਦਯਾਦਿਗੁਣਸਾਲਿਨਾ;
ਸੁਭਸੇਨਾਧਿਨਾਥੇਨ, ਕਾਰਿਤੇ ਵਸਤਾ ਸਤਾ.
੩. ਪਟਿਸਲ੍ਲਾਨਸਾਰੁਪ੍ਪੇ, ਵਿਹਾਰੇ ਸਾਧੁਗੋਚਰੇ;
ਮਨੋਨੁਕੂਲੇ ਯੋਗੀਨਂ, ਵਰੇ ਵਿਕ੍ਕਮਸੁਨ੍ਦਰੇ.
੪. ਥੇਰੇਨ ਰਚਿਤਾ ਸਾਯਂ, ਸਾਸਨੁਜ੍ਜੋਤਨਤ੍ਥਿਨਾ;
ਟੀਕਾ ਗੁਰੁਪਦਮ੍ਭੋਜ, ਰਜੋਮਤ੍ਥਕਸੇਵਿਨਾ.
੫. ਬਹੁਸ੍ਸੁਤਾਨਂ ਵਿਞ੍ਞੂਨਂ, ਪਰਮਤ੍ਥਾਵਗਾਹਿਨਂ.
ਪਵਤ੍ਤਤੁ ਚਿਰਂ ਚੇਤੋ, ਰਞ੍ਜਯਨ੍ਤੀ ਨਿਰਨ੍ਤਰਂ.
੬. ਯੇਸਂ ਨ ਸਞ੍ਚਿਤਾ ਪਞ੍ਞਾ, ਨੇਕਸਤ੍ਤਨ੍ਤਰੋਚਿਤਾ;
ਸਮ੍ਮੋਹਬ੍ਭਹਤਾਵੇਤੇ, ਨਾਵਬੁਜ੍ਝਨ੍ਤਿ ਕਿਞ੍ਚਿਪਿ.
੭. ਕਿਨ੍ਤੇਹਿ ਪਾਦਸੁਸ੍ਸੂਸਾ, ਯੇਸਂ ਨਤ੍ਥਿ ਗੁਰੂਨਿਹ;
ਯੇ ਤਪ੍ਪਾਦਰਜੋਕਿਣ੍ਣਾ, ਤੇਵ ਸਾਧੂਵਿਵੇਕਿਨੋ.
੮. ਪੁਞ੍ਞੇਨ ਸਤ੍ਥਰਚਨਾਜਨਿਤੇਨ ਤੇਨ,
ਸਮ੍ਬੁਦ੍ਧਸਾਸਨਵਰੋਦਯਕਾਰਣੇਨ;
ਲੋਕਾਮਿਸੇਸੁਪਿ ਕਿਲੇਸਮਲਾ ਅਲਗ੍ਗੋ,
ਸਮ੍ਬੁਦ੍ਧਸਾਸਨਵਰੋਦਯਮਾਚਰੇਯ੍ਯਂ.
੯. ਯੇ-ਨਨ੍ਤਤਨ੍ਤਰਤਨਾਕਰਮਨ੍ਥਨੇਨ,
ਮਨ੍ਥਾਚ ਲੋਲ੍ਲਸਿਤਞਾਣਵਰੇਨ ਲਦ੍ਧਾ;
ਸਾਰਾਮਥਾਤਿ ਸੁਖਿਤਾ ਸੁਖਯਨ੍ਤਿ ਚਞ੍ਞੇ,
ਤੇਮੇ ਜਯਨ੍ਤਿ ਗੁਰਵਾ ਗੁਰਵੋ ਗੁਣੇਹਿ.
੧੦. ਟੀਕਾਯੋ ਵਿਨਸਾਦਿਨਂ ਵਿਰਚਯੀ ਯੋ ਕਣ੍ਠਭੂਸਾਪਰੋ,
ਵਿਞ੍ਞੂਨਂ ਜਿਨਸਾਸਨਾਮਲਮਤੀਸੋ-ਕਾਸਿ ਚਾਨਾਕੁਲਂ;
ਸਨ੍ਤੋਸਕ੍ਕਮਨੋਮਨੋਮਕਮਨੋ ਸਬ੍ਭਾਵਨੀਯੋ ਮਹਾ,
ਸਾਮੀ ਮੇ ਗੁਰੁਪੁਙ੍ਗਵੋ ਵਿਜਯਤੇ ਸਾਰੀਸੁਤੋ-ਯਂ ਭੁਵਿ.
੧੧. ਰਾਜਾ ਵਿਕ੍ਕਮਬਾਹੁ ਬਾਹਿਤਰਿਪੂ ਤਾਤ੍ਵਸ੍ਸ [ਭਾਤਾਸ੍ਸ] ਲੋਕਿਸ੍ਸਰੋ,
ਸਮ੍ਮਿਤ੍ਤਾਨਿਹਨੋ ਤਿਸੀਹਲ਼ਪਤੀ ਯੋਯਂ ਮਹਾਵਿਕ੍ਕਮੋ;
ਨਿਬ੍ਭੀਤੋ [ਤਿਸੂਰੋ] ਵਿਜਯਾਦਿਬਾਹੁ ਵਿਜਯੀ ਸੋ ਆਸਿ ਲਙ੍ਕਿਸ੍ਸਰੋ,
ਤਂ ਨਿਸ੍ਸਾਯ ਫਲਂ ਚਿਰਾਯ ਫਲਤਞ੍ਚੇਤਂ ਸਤਂ ਸਨ੍ਤਤਂ.
ਸਿਦ੍ਧਿ ਰਤ੍ਥੁ
੧. ਅਗ੍ਗਮ੍ਮੋਤਿਵਂਸੇਨ, ਅਭਯਾਰਾਮਸਾਮਿਨਾ;
ਪਞ੍ਚਿਕਾਵਣ੍ਣਨਾਭੂਤਾ, ਸਾ ਸਾਰਤ੍ਥਵਿਲਾਸਿਨੀ.
੨. ਮ੍ਰਮ੍ਮਕ੍ਖਰਮਾਰੋਪੇਤ੍ਵਾ, ਵਿਸੋਧੇਤ੍ਵਾ ਯਥਾਬਲਂ;
ਸਕਿਯਬ੍ਯਵਹਾਰੇਨ, ਤਿਥੀਵਸੁ ਕਰਿਨ੍ਦੁਨਾ.
੩. ਯੁਤ੍ਤੇ ਵਸ੍ਸੇ ਲਙ੍ਕਾਦੀਪਾ, ਸਰਟ੍ਠਮਾਹਤਾ ਪੁਨ;
ਭਾਸ੍ਸਪ੍ਪਦੀਪਕਾਤਨ੍ਤ, ਕਾਸਿਕਾਪਞ੍ਚਿਕਾਦਿਹਿ.
੪. ਸਂਸਨ੍ਦਿਤ੍ਵਾ ਵਿਚਾਰੇਤ੍ਵਾ, ਵਾਚੇਤ੍ਵਾਚ ਪੁਨਪ੍ਪੁਨਂ;
ਊਨਾਧਿਕਾਦਿ ਦੋਸਾਨਿ, ਅਪਨੇਤ੍ਵਾ ਸਿਨੇਸਿਨੇ.
੫. ਸੁਦ੍ਧਟ੍ਠਕੇ ਚ ਵਸ੍ਸੇਸਾ, ਪਾਪਿਤਾ ਪਕਤਿਟ੍ਠਿਤਿਂ;
ਸੁਦ੍ਧਾਸੁਦ੍ਧਂਵ ਦਸ੍ਸੇਨ੍ਤੀ, ਸੋਧੇਤੁ ਪਾਠਸੁਦ੍ਧਿਯਾ.