੬. ਪਰੋ

ਸਮਾਸੋਤਿ ਛਟ੍ਠੀਸਮਾਸੋ ਕਾਰਕਸਮਾਸੋ ਵਾ. ਨਿਪਾਤਨਤਾ ਚਾਸ੍ਸ ਵਿਸੇਸਤੋਤਿ. ਏਤਞ੍ਚਾਤਿ ਪਰੋਕ੍ਖੇਤਿ ਏਤਞ੍ਚ. ਕ੍ਰਿਯਤ੍ਥਸ੍ਸ ਉਪਾਧਿ ਵਿਸੇਸਨਂ ਕ੍ਰਿਯਤ੍ਥੋਪਾਧਿ, ਤਸ੍ਸ ਕ੍ਰਿਯਤ੍ਥੋਪਾਧਿਨੋ ਭੂਤਾ ਨਜ੍ਜਤਨਸ੍ਸ ਸਾਧਨਦ੍ਵਾਰੇਨ ਵਿਸੇਸਨਂ, ਨ ਤੂਜੁਕਂਤ੍ਯਤ੍ਥੋ. ਕਸ੍ਮਾ ਨੋਜੁਕਂ ਵਿਸੇਸਨਂ ਤ੍ਯਾਹ ‘ਬ੍ਯਵਚ੍ਛੇਜ੍ਜਾਭਾਵਾ’ਤਿ. ਤਮੇਵ ਫੁਟਯਿਤੁਮਾਹ- ‘ਤਥਾਹਿ’ਚ੍ਚਾਦਿ.

ਸਾਧਿਯਮਾਨਾਤਿ ਇਮਿਨਾ ਧਾਤ੍ਵਤ੍ਥਸ੍ਸਾਪਰਿਨਿਪ੍ਫਨ੍ਨਤਂ ਬੋਧੇਤਿ. ਤੇ ਸਨ੍ਤਿ ਇਨ੍ਦ੍ਰਿਯਾਨਂ. ਸਨ੍ਤੋ ਵਿਜ੍ਜਮਾਨੋ ਵਿਸਯੋ ਯੇਸਂ ਇਨ੍ਦ੍ਰਿਯਾਨਂ ਤੇ ਸਮ੍ਭਾਵੋ ਤਤ੍ਤਂ, ਤਸ੍ਮਾ. ਨੇਤਿ ਪਟਿਸੇਧੇ, ਸਾਧਨਦ੍ਵਾਰੇਨ ਵਿਸੇਸਨਤ੍ਤੇ ਬ੍ਯਵਚ੍ਛੇਜ੍ਜਸਬ੍ਭਾਵਾ ਯਥਾਵੁਤ੍ਤਦੋਸੋ ਨ ਭਵਤੀਤਿ ਅਤ੍ਥੋ. ਦੋਸਾ ਭਾਵਮੇਵ ਦਸ੍ਸੇਤੁਮਾਹ- ‘ਯਸ੍ਸਿ’ਚ੍ਚਾਦਿ. ਯਸ੍ਸਾਤਿ ਧਾਤ੍ਵਤ੍ਥਸ੍ਸ. ਤਤ੍ਥਾਤਿ ਤਸ੍ਮਿਂ ਅਪ੍ਪਚ੍ਚਕ੍ਖੇ ਧਾਤ੍ਵਤ੍ਥੇ. ਕਾਰਕਾਨਂ ਸਤ੍ਤਿਸਭਾਵਤ੍ਤਾ ਸਾਪਿ ਅਪਚ੍ਚਕ੍ਖਾ ਵਾਤਿ ਚੋਦੇਤਿ ਨਨੁਚੇਚ੍ਚਾਦਿਨਾ. ਅਸਤ੍ਤੋਤਿ ਅਸਮਤ੍ਥੋ.

ਅਤ੍ਤਾਨਾਮ ਅਤ੍ਤਨੋ ਪਚ੍ਚਕ੍ਖੋਤਿ ਤਬ੍ਬਿਸਯੇ ਅਮ੍ਹਕਾਰਕਸ੍ਸ ਵਿਧਾਨਮਯੁਤ੍ਤਨ੍ਤਿ ਮਨਸਿ ਨਿਧਾਯ ਯਂ ਵੁਤ੍ਤਂ ਵੁਤ੍ਤਿਕਾਰੇਨ, ਤਮੁਪਦਸ੍ਸੇਤੁਮਾਹ- ‘ਨਨੁਚੇ’ਚ੍ਚਾਦਿ. ਅਤ੍ਤਬੋਧਨੀਯਾਪਿ ਹਿ ਕਿਰਿਯਾ ਯਦਾ ਚਿਤ੍ਤਵਿਕ੍ਖੇਪਤੋ ਨੋਪਲਕ੍ਖੀਯਤੇ, ਤਦਾਯਂ ਪਰੋਕ੍ਖਾ ਭਵਤਿ, ਤੇਨੁਤ੍ਤਮਵਿਸਯੇਪਿ ਪਰੋਕ੍ਖਭਾਵੋ ਤਸ੍ਸਾ ਭਵਤ੍ਵੇਵ. ਜਾਗਰਤੋਪਿ ਯਦਾ ਮਦਾ ਮਨੋਬ੍ਯਾਤਙ੍ਗਤੋ ਅਨੁਪਲਦ੍ਧਿ, ਤਦਾਪਿ ਭਵਤ੍ਯੇਵੇਤਿ ਦਸ੍ਸੇਤੁਂ ਵੁਤ੍ਤਂ ਬ੍ਯਾਸਤ੍ਤਵਚਨਂ. ਅਭਿਨਿਬ੍ਬਤ੍ਤਿਕਾਲੇਤਿ ਕਿਰਿਯਾ ਨਿਬ੍ਬਤ੍ਤਿਕਾਲੇ, ‘ਸੁਤ੍ਤੋ-ਹਂ ਕਿਂ ਵਿਲਲਾਪ, ਮਤ੍ਤੋ-ਹਂ ਕਿਂਵਿਲਲਾਪੇ’ਤਿ ਇਦਮਤ੍ਰੋਦਾਹਰਣਂ. ਚਿਤ੍ਤ ਚਿਕ੍ਖੇਪਵਿਸਯਪ੍ਪਦਸ੍ਸਨਾਯੇਤ੍ਥ ਸੁਤ੍ਤਵਚਨਂ.