੬੦. ਆਹਾ

ਆਧਾਰੇਚੇਤਿ ਅਨੁਵੁਤ੍ਤਿਯਾ ਏਤ੍ਥ ਚਕਾਰਤੋ ‘ਯਥਾਪਤ੍ਤਞ੍ਚੇ’ਤਿ ਸਮ੍ਬਨ੍ਧਾ ਵੁਤ੍ਤਨ੍ਤਿ ਸੇਸੋ. ਏਵਂ ਨ ਕੁਤੋਚਿ ਅਪਕਸ੍ਸਨਂ ਸਿਯਾਤਿ ਏਵਮਾਧਾਰਾਦਿਕੇ ਅਨੁਵਤ੍ਤਮਾਨੇ ਸਤਿ ਕੁਤੋਚਿ ਆਧਾਰਾਦਿਤੋ ਅਪਕਸ੍ਸਨਂ ਵਿਸੁਂ ਕਰਣਂ ਨ ਸਿਯਾਤਿ ਅਤ੍ਥੋ. ਤਥਾ ਸਤਿ ਹੇਟ੍ਠਾ ਸੁਤ੍ਤੇਨੇਕਯੋਗਮੇਵ ਕਰੇਯ੍ਯਾਤਿ ਅਧਿਪ੍ਪਾਯੋ. ਭਾਵਕਮ੍ਮੇਸੂਤਿ ਸਮ੍ਬਜ੍ਝਤੇਤਿ ਯੋਜਨਾ.

ਬਹੁਲਸ੍ਸ ਭਾਵੋ ਕਮ੍ਮਂਵਾਤਿ ਬਹ੍ਵਤ੍ਥਾਦਾਨਮੇਵਾਤ੍ਰ ਬਹੁਲਸਦ੍ਦਸ੍ਸ ਪਵਤ੍ਤਿਨਿਮਿਤ੍ਤਂ ਭਾਵੋ ਕਮ੍ਮਂਚੇਤਿ ਤਤ੍ਥ ਪਚ੍ਚਯੋ. ਕੇਚੀਤਿ ਪਾਣਿਨਿਯੇ ਯੇਵ ਸਨ੍ਧਾਯਾਹ. ਤਸ੍ਸਾਪਿ ਭੂਤੇਯੇਵ ਪਵਤ੍ਤਿਮੁਪਦਿਸਤਿ ‘ਸੋਪਿ’ਚ੍ਚਾਦਿ

ਨਾ. ਭਿਜ੍ਜਮਾਨਨ੍ਤਿ ਪਚ੍ਚਮਾਨਂ. ਪਰਰੂਪੇਨ ਪਸ੍ਸਿਨ੍ਨੋਤਿ ਯੋਜਨਾ. ਕੇਚਿਤਿ ਤੇਯੇਵ. ‘‘ਮਤਿਬੁਦ੍ਧਿਪੂਜਤ੍ਥੇਹਿ ਚੇ’’ਤਿ (੩-੨-੧੮੮) ਤੇਸਂ ਸੁਤ੍ਤੇ ਚਸਦ੍ਦਾਕਡ੍ਢਿਤੇ ਦਸ੍ਸੇਤਿ ‘ਯਥਾ’ਤਿਆਦਿਨਾ. ਅਕ੍ਕੋਚ੍ਛਿ ਤਨ੍ਤਿ ਕਮ੍ਮੇ ਵਿਗ੍ਗਹਮਾਹ, ਤਨ੍ਤਿ ਕਮ੍ਮਪਦਂ, ਏਵਮੁਪਰਿਪਿ ਚੁਰਾਦਿਣਿਲੋਪੇ ‘‘ਨਿਮਿਤ੍ਤਾਭਾਵੇ ਨੇਮਿਤ੍ਤਿਕਸ੍ਸਾਪ੍ਯਭਾਵੋ’’ਤ੍ਯਾਕਾਰਨਿਵਤ੍ਤਿ. ਕਸਿਰਯਂ ਗਤ੍ਯਾਦ੍ਯਨੇ ਕਤ੍ਥੋ, ਕਟ੍ਠਂਤ੍ਯਤ੍ਰ ਕਿਮਤ੍ਥੋਤਿ ਆਹ- ‘ਏਤ੍ਥ ਹਿਂਸਤ੍ਥੋ’ਤਿ.

ਹੇਤੁਨੋਤਿ ਦੁਕ੍ਖਫਲਸ੍ਸ ਹੇਤੁਨੋ ਅਗ੍ਯਾਦਿਨੋ. ਕਟ੍ਠਸਦ੍ਦਸ੍ਸ ਫਲਹੇਤੁਭੂਤੇ ਅਗ੍ਯਾਦਿਕੇ ਵਤ੍ਤਮਾਨੇ ਏਵਂ ਹੋਤੁ ਫਲੇਵਤ੍ਤਮਾਨੇ ਕਥਨ੍ਤਿ ਆਹ- ‘ਯਦਾਪਨਾ’ਤਿਆਦਿ. ਕੋਧਾਤਿਕੋ ਇਧ.