੬੧. ਤੁਂਤਾ

ਨਨੁ ਚ ਭਾਵੇਇਤਿ ਭਵਤਿਨਾਯਂ ਘਣਨ੍ਤੇਨ ਨਿਦ੍ਦੇਸੋ ਕਰੀਯਤੀਤਿ ਭਵਤਿਵਿਸਯੋਵ ਪਚ੍ਚਯਤ੍ਥਨਿਦ੍ਦੇਸੋ ਕਤੋ ਭਵਤਿ, ਤਤੋ ਚ ਭਵਤਿਨੋ ਯੋ ਭਾਵੋ ਤਸ੍ਮਿਂਯੇਵ ਵਾਚ੍ਚੇ ਪਚ੍ਚਯੋ ਸਿਯਾ, ਸੋ ਚ ਭਵਤਿਤੋ ਯੇਵੁਪ੍ਪਜ੍ਜਮਾਨੇਨ ਪਚ੍ਚਯੇਨ ਸਕ੍ਕਾਭਿਧਾਤੁਂ ਤਤੋ ਤਸ੍ਮਾਵ ਪਚ੍ਚਯੇਨ ਭਵਿਤਬ੍ਬਂ, ਤਸ੍ਮਾ ਕਥਂ ਪਚਿਤੁਂ ਪਾਕੋ ਚਾਗੋ ਰਾਗੋਤਿਪਚਾਦੀਹਿਭਵਤਿ ਚ੍ਚਾਹ- ‘ਭਵਨਂਭਾਵੋ ਕਿਰਿਯਾਧਾਤ੍ਵਤ੍ਥੋ’ਤਿ.

ਕਿਰਿਯਾਸਾਮਞ੍ਞਞ੍ਹਿ ਸਬ੍ਬਧਾਤ੍ਵਤ੍ਥਾਨੁਗਤਂ ਭਵਤਿਸ੍ਸਤ੍ਥੋ, ਤੇਨ ਕਿਰਿਯਾਸਾਮਞ੍ਞਵਾਚਿਨਾਤ੍ਥਨਿਦ੍ਦੇਸੋ ਕਰੀਯਮਾਨੋ ਸਬ੍ਬਧਾਤੁਵਿਸਯੇ ਕਤੋ ਭਵਤਿ ਤਸ੍ਮਾ ਪਚਾਦੀਹਿਪਿ ਭਵਤੀਤ੍ਯਧਿਪ੍ਪਾਯੋ.

ਨਨੁ ਚਾਤ੍ਰ ਤੁਮਾਦਯੋ ਭਾਵੇ ਭਵਨ੍ਤੀਤਿ ਵੁਤ੍ਤੇ ਨ ਵਿਞ੍ਞਾਯਤੇ ਕਿਂਵਿਸੇਸਿਤੇ ਭਾਵੇ ਤੁਮਾਦਯੋ ਭਵਨ੍ਤਿਚ੍ਚਾਹ- ‘ਯਤੋ’ਚ੍ਚਾਦਿ. ਤਸ੍ਸਾਤਿ ਧਾਤੁਨੋ. ਯੋ ਵਤ੍ਤਬ੍ਬੋ ਭਾਵੋਤਿ ਯੋ ਵਾਚ੍ਚੋ ਭਾਵੋ. ਕੁਤੋਚ੍ਚਾਹ- ‘ਸਮ੍ਬਨ੍ਧਾ’ਤਿ. ਤੁਮਾਦੀਨਂ ਯਾ ਪਕਤਿ ਤਾਯ ਵਾਚ੍ਚੇਨੇਵ ਭਾਵੇਨ ਸਹ ਸਮ੍ਬਨ੍ਧਾਤਿ ਅਤ੍ਥੋ. ਠਾਤਬ੍ਬਨ੍ਤਿ ਭਾਵੇ ਤਬ੍ਬੋ. ਅਥ ਕ੍ਰਿਯਾਯਂਤ੍ਯਨੇਨ ਤਬ੍ਬਾਦ੍ਯਭਿਹਿਤਸ੍ਸ ਦਬ੍ਬਰੂਪਾਪਨ੍ਨਸ੍ਸ ਭਾਵਸ੍ਸ ਕਥਂ ਗਹਣਂਤ੍ਯਾਹ- ‘ਯਦਿਪਿ’ਚ੍ਚਾਦਿ. ਸਕਨਿਸ੍ਸਯਕਿਰਿਯਾਬ੍ਯਪਦੇਸੋਤਿ ਦਬ੍ਬ ਰੂਪਸ੍ਸ ਅਤ੍ਤਨੋ ਨਿਸ੍ਸਯਭੂਤਾਯ ਕਿਰਿਯਾਯ ਬ੍ਯਪਦੇਸੋ ਦਟ੍ਠੁਂ ਚਕ੍ਖੁਚ੍ਚਾਦੋ ਭਵਨਕਿਰਿਯਾਯ ਪਤੀਯਮਾਨਤ੍ਤਾ ਤੁਮਾਦਯੋ ਭਵਨ੍ਤੇਵ.

ਨਨੁ ਚ ਤੁਮਾਦੀਨਂ ਭਾਵੇ ਵਿਹਿਤਤ੍ਤਾ ਕਿਰਿਯਾਯੇਵ ਪਧਾਨਤ੍ਤਨ੍ਤਿ ਕਮ੍ਮ ਕਾਰਕਂ ਨਪ੍ਪਤੀਯਤੇਤਿ ਕਥਂ ‘ਕਟਂ ਕਾਤੁਂ ਗਚ੍ਛਤੀ’ਤਿ ਸਿਯਾਚ੍ਚਾ ਸਙ੍ਕਿਯ ਪਟਿਪਾਦੇਤੁਮਾਹ- ‘ਯਦਿਪਿ’ਚ੍ਚਾਦਿ. ਧਾਤ੍ਵਤ੍ਥਕਤੋ ਕਿਰਿਯਾਸਙ੍ਖਾਤੇਨ ਧਾਤ੍ਵਤ੍ਥੇਨ ਕਤੋ. ਅਤ੍ਥੀਤਿ ਇਮਿਨਾ ਯਤ੍ਥ ‘ਸੁਪ੍ਯਤੇ ਦੇਵ ਦਤ੍ਤੇਨੇ’ਚ੍ਚਾਦੋ ਨਤ੍ਥਿ, ਤਤ੍ਥ ਨ ਕਮ੍ਮਮ੍ਪਤੀਯਤੇਤਿ ਦਸ੍ਸੇਤਿ.

‘‘ਇਚ੍ਛਤ੍ਥੇਸੁ ਸਮਾਨਕਤ੍ਤੁਕੇਸੁ ਤਵੇਤੁਂ ਵਾ’’ਤਿ (੪-੨-੧੨) ਕਚ੍ਚਾਨੇਨ ਅਤਦਤ੍ਥਾਯਮ੍ਪਿਕਿਰਿਯਾਯਂ ਤੁਮਾਦਯੋ ਯਥਾਸਿਯੁਨ੍ਤਿ ਵਿਸੁਂ ਸੁਤ੍ਤਿਤਂ, ਤੇਨਾਹ- ‘ਇਚ੍ਛਤ੍ਥੇਸ੍ਮਿ’ਚ੍ਚਾਦਿ. ਯਥਾ ‘ਭੋਤ੍ਤੁਂ ਪਚਤੀ’ਤ੍ਯਾਦੋ ਭੋਜਨਕਿਰਿਯਾ ਪਯੋਜਨਾ ਪਚਨਕਿਰਿਯਾ ਹੋਤਿ, ਨੇਵਮੇਤ੍ਥ ਤਪ੍ਪ ਯੋਜਨਾ ਇਚ੍ਛਾ… ਪਚਨਕਿਰਿਯਾਯਵਿਯਤਪ੍ਪਯੋਜਨਤ੍ਤਾਭਾਵਤੋਤਿ ਅਯਮਸ੍ਸਾਧਿਪ੍ਪਾਯੋ. ਪੁਨੇਚ੍ਚਾਦਿਨਾ ਵੁਤ੍ਤਾਨਿਟ੍ਠਪਾਤਸ੍ਸਾਸਙ੍ਕਂ ਵਿਰਚਯਮਾਹ- ‘ਅਤਦਤ੍ਥਾਯਮ੍ਪਿ’ਚ੍ਚਾਦਿ.

ਇਚ੍ਛਤ੍ਥਸ੍ਸ ਧਾਤੁਨੋ ਪਯੋਗਾਤਿ ਇਮਿਨਾ ‘ਇਚ੍ਛਨ੍ਤੋ ਕਰੋਤੀ’ਤਿ ਏਤ੍ਥ ਇਚ੍ਛਨ੍ਤੋਤਿ ਇਚ੍ਛਤ੍ਥਸ੍ਸ ਧਾਤੁਨੋ ਪਯੋਗਤ੍ਥਮੇਵ, ਨ ਇਚ੍ਛਾਯ ਪਯੋਜਨਂ ਕਰਣਨ੍ਤਿ ਦੀਪੇਤਿ. ਦੇਵਦਤ੍ਤਂ ਭੁਞ੍ਜਮਾਨਮਿਚ੍ਛਤੀਤੇਤ੍ਥ ਭੋਤ੍ਤੁਨ੍ਤਿ ਨ ਹੋਤਿ ਸਮਾਨਕਤ੍ਤੁਕੇਸੂਤਿ ਵਚਨਤੋ, ਭੋਜਨਸ੍ਸ ਦੇਵਦਤ੍ਤੋ ਕਤ੍ਤਾ, ਇਚ੍ਛਤਿਸ੍ਸ ਅਞ੍ਞੋਯੇਵਾਤਿਪਿ ਸੁਤ੍ਤਸ੍ਸ ਵਿਸੁਂ ਪਯੋਜਨਂ ਨ ਵਤ੍ਤਬ੍ਬਨ੍ਤਿ ਦਸ੍ਸੇਨ੍ਤੋ ਆਹ- ‘ਦੇਵਦਤ੍ਤ’ਮਿਚ੍ਚਾਦਿ.

ਇਚ੍ਛਤਿਸ੍ਸਾਤਿ’ਦੇਵਦਤ੍ਤਂ ਭੁਞ੍ਜਮਾਨਮਿਚ੍ਛਤੀ’ਤਿ ਏਤ੍ਥ ਇਚ੍ਛਤੀਤਿ ਵੁਤ੍ਤਇਸਿਸ੍ਸ. ਸਾਧਨਂ ‘ਦੇਵਦਤ੍ਤਂ ਭੁਞ੍ਜਮਾਨ’ਨ੍ਤਿ ਵੁਤ੍ਤਕਮ੍ਮਸਙ੍ਖਾਤਂ ਅਤ੍ਥੋ ਪਯੋਜਨਂ ਯਸ੍ਸ ਸੋ ਸਾਧਨਤ੍ਥੋ-ਇਚ੍ਛਤਿ. ਤਸ੍ਸ ਭਾਵੋ ਤਤ੍ਤਂ, ਤਸ੍ਮਾ. ਕਮ੍ਮਮੇਵਿਚ੍ਛਾਯ ਪਯੋਜਨਭਾਵੇ ਠਿਤਨ੍ਤਿ ਭਾਵੋ. ਨਿਰਤ੍ਥਕਨ੍ਤਿ ਏਤਦਤ੍ਥਮੇਵ ਸਮਾਨਕਤ੍ਤੁਕਗ੍ਗਹਣਂ ਕਤਂ ਤਞ੍ਚ ਯਥਾਵੁਤ੍ਤੇਨ ਪਸਙ੍ਗਾਭਾਵਾ ਨਿਰਤ੍ਥਕਨ੍ਤਿ ਅਧਿਪ੍ਪਾਯੋ.

ਸਕਾਦ੍ਯਤ੍ਥੇਸੁ ਧਾਤੂ ਸੂਪਪਦੇਸੁ ਧਾਤੁ ਮਤ੍ਤਾ ਤੁਮਾਦਯੋ ਸੁਤ੍ਤਨ੍ਤਰੇਨ ਵਿਹਿਤਾ ਪਾਣਿਨਿਯੇਹਿ, ਤੇਨਾਹ- ‘ਸਕਾਦਿਧਾਤੁਪ੍ਪਯੋਗੇ’ਤਿਆਦਿ. ਸਿਦ੍ਧਾਤਿ ਤੁਮਾਦਯੋ ਸਿਦ੍ਧਾ. ਭੁਜਿਕਿਰਿਯਤ੍ਥਾਤਿ ਭੁਜਿਕਿਰਿਯਾ ਅਤ੍ਥੋ ਯਸ੍ਸਾ ਸਤ੍ਤਿਯਾ ਸਾ ਭੁਜਿਕਿਰਿਯਤ੍ਥਾ ਪਤੀਯਤੇ. ਪਤੀਯ ਮਾਨਤ੍ਤੇ ਕਾਰਣਮਾਹ- ‘ਅਸਤੋਪਿ ਹਿ’ਚ੍ਚਾਦਿ. ਪਰੇਹੇਤ੍ਥ ਅਕਿਰਿਯਤ੍ਥੋਪਪਦਤ੍ਥੋ ਪੁਨਾਰਬ੍ਭੋਤਿ ਵਣ੍ਣਿਤਂ. ਤਦੇਤਂ ਵਿਘਟਯਿਤੁਮਾਹ- ‘ਤੇਨੇ’ਚ੍ਚਾਦਿ. ਪਰੇਸਮਯਮਧਿਪ੍ਪਾਯੋ ‘‘ਸਕ੍ਕੋਤਿ ਭੋਤ੍ਤੁਂਤ੍ਯਾਦੋ ਕੋਸਲ੍ਯਂ ਗਮ੍ਯਤੇ. ਗਿਲਾਯਤਿ ਭੋਤ੍ਤੁਂਤਿ ਤਦਸਤ੍ਤਿ. ਘਟਤੇ ਭੋਤ੍ਤੁਂਤ੍ਯਾਦੋ ਯੋਗ੍ਯਤਾ. ਆਰਭਤੇ ਭੋਤ੍ਤੁਂਤ੍ਯਾਦੋਭੁਜਿਸ੍ਸੇ ਵਾਦ੍ਯਵਤ੍ਥਾਕਿਰਿਯਨ੍ਤਰਂ. ਲਭਤੇ ਭੋਤ੍ਤੁਂਤਿ ਅਪ੍ਪਚ੍ਚਕ੍ਖਾਨਂ. ਅਤ੍ਥਿ ਭੋਤ੍ਤੁਨ੍ਤਿਆਦੀਸੁ ਸਮ੍ਭਵਮਤ੍ਤਂ. ਵਟ੍ਟਤਿ ਭੋਤ੍ਤੁਂਤ੍ਯਾਦੋ ਦੋਸਾ ਭਾਵੋ ਗਮ੍ਯਤੇ. ਸਕ੍ਕੋਤਿਚ੍ਚਾਦਿਨੋ ਉਪਪਦਸ੍ਸ ਭੋਜਨਾਦਿਕਿਰਿਯਤ੍ਥਤਾ ਨ ਗਮ੍ਯਤੇ ਤਸ੍ਮਾ ਅਕਿਰਿਯਤ੍ਥੇਸੁਪਿ ਸਕਾਦੀਸੂਪਪਦੇਸੁ ਤੁਮਾਦਯੋ ਭਵਨ੍ਤੀ’’ਤਿ.

ਪਤੀਯਮਾਨੇਸ੍ਵਪ੍ਯੇਤੇਸ੍ਵਤ੍ਥਨ੍ਤਰੇਸੁ ਤਾਦਤ੍ਥਿਯਮਤ੍ਥਿਯੇਵਾਤਿ ਪੁਬ੍ਬੇਨ ਵਿਹਿਤਸ੍ਸ ਤੁਮਾਦਿਨੋਤ੍ਰ ਨ ਬਾਧੇਤਿ ਦਸ੍ਸੇਤੁਮਾਹ- ‘ਯਦਿਪਿ’ਚ੍ਚਾਦਿ. ਤਾਦਤ੍ਥਿਯਮਤ੍ਥਿਯੇਵਾਤਿ ਭੋਜਨਕਿਰਿਯਤ੍ਥਤਾ ਸਕ੍ਕੋਤਿਆਦੀਨਂ ਅਤ੍ਥਿ ਯੇਵਾਤਿ ਅਤ੍ਥੋ ਸਿਦ੍ਧਾਯੇਵ ‘‘ਤੁਂਤਾਯੇ’’ਚ੍ਚਾਦਿਨਾ. ਅਲਮਤ੍ਥਵਿਸਿਟ੍ਠੇਸੁ ਪਰਿਯਤ੍ਤਿਵਚਨੇਸੂਪਪਦੇਸੁ ਧਾਤੁਤੋ ਤੁਮਾਦਯੋ ਵਿਹਿਤਾ ਪਰੇਹਿ, ਤਤ੍ਥਾਹ ‘ਅਲਮਤ੍ਥਵਿਸਿਟ੍ਠੇ’ਇਚ੍ਚਾਦਿ. ਪਹੁਸਦ੍ਦਮ੍ਪਿ ਅਨ੍ਤੋਗਧਂ ਕਤ੍ਵਾ ‘ਸਮਤ੍ਥਾਦੀ’ਤਿ ਵੁਤ੍ਤਂ, ਭਵਤਿਸ੍ਸ ਸਮ੍ਭਵੋ ‘‘ਪੁਬ੍ਬੇਕਕਤ੍ਤੁਕਾਨ’’ਨ੍ਤਿ (੫-੬੩) ਏਤ੍ਥ ਬ੍ਯਾਖ੍ਯਾਯਿਸ੍ਸਤੇ. ਅਭਿਮਤਾਤਿ ਕਚ੍ਚਾਯਨੇਨ ‘‘ਅਰਹਸਕ੍ਕਾਦੀਸੁ ਚੇ’’ਤਿ (੪-੨-੧੩) ਚਸਦ੍ਦੇਨ ਅਭਿਮਤਾ ਇਮਸ੍ਸਾਤਿ ‘ਕਾਲੋ ਭੋਤ੍ਤੁਂ’ਤਿਆਦਿਨੋ. ਯਥਾ ਭੋਤ੍ਤੁਮਨੋਤਿਆਦਿਨਾ ਪਰੇਸਮ੍ਪਿ ਅਯਮੇਵ ਨਿਪ੍ਫਤ੍ਤਿਕ੍ਕਮੋਤਿ ਦੀਪੇਤਿ. ਅਬ੍ਯਭਿਚਾਰਤੋਤਿ ਅਵਿਨਾਭਾਵਤੋ, ਭਵਤਿ ਭੋਜਨਂ ਭਾਵੋਤਿ ਭੋਜਨਂ ਭੁਞ੍ਜਨਂ ਭਾਵੋ ਭਵਤੀਤਿ ਅਤ੍ਥੋ. ਨਤੁਗਮਿਸ੍ਸਕਿਰਿਯਾਤਦਤ੍ਥਾਤਿ ਗਮਨਕਿਰਿਯਾ ਭੋਜਨਤ੍ਥਾ ਨ ਹੋਤੀਤਿ ਅਤ੍ਥੋ. ਅਤ੍ਥਸਦ੍ਦੋਹ੍ਯਯਂ ਪਯੋਜਨਵਚਨੋ ਯਞ੍ਚ ਯਮੁਦ੍ਦਿਸ੍ਸ ਪਵਤ੍ਤਤਿ, ਤਂ ਤਸ੍ਸ ਪਯੋਜਨਂ ਭਵਤਿ. ਨਚਾਯਂ ਭੋਜਨਮੁਦ੍ਦਿਸ੍ਸ ਗਮਿਸ੍ਸਤਿ, ਕਿਞ੍ਚਰਹਿ ਕਾਰਿਯਨ੍ਤਰਂ, ਕੇਵਲਂ ਤੇਨ ਨਿਮਿਤ੍ਤੇਨ ਸਮ੍ਭਾਵੀਯਤੇ. ਯਦਾ ਤੁ ਭੋਜਨਤ੍ਥਮੇਵਾਰਬ੍ਭਤੇ ਗਮਨਕਿਰਿਯਾ, ਤਦਾ ਭਵਤ੍ਯੇਵ’ਗਮਿਸ੍ਸਤਿ ਭੋਤ੍ਤੁ’ਨ੍ਤਿ.

ਤੁਂਵਿਸਯੇ ਣਕੋਪਿ ਵਿਹਿਤੋ ਪਾਣਿਨਿਯੇਹਿ, ਤਤ੍ਰਾਹ- ‘ਕਾਰਕੋ ਵਜਤਿ’ਚ੍ਚਾਦਿ. ਪਰਿਹਾਰਮਾਹ- ‘ਪੁਬ੍ਬੇ’ਚ੍ਚਾਦਿਨਾ. ‘ਕਤ੍ਤਰਿਲ੍ਤੁ’ਚ੍ਚਾਦਿਨਾ ਯੋਯਂ ਣਕੋ ਤੀਸੁਪਿ ਕਾਲੇਸੁ ਸਾਮਞ੍ਞੇਨ ਵਿਹਿਤੋ, ਕ੍ਰਿਯਤ੍ਥਾ ਯਂ ਕ੍ਰਿਯਾਯਂ ਉਪਪਦੇ ਕਤ੍ਤੁਨੋ-ਭਿਧਾਨਂ ਸਿਦ੍ਧਂ, ਨ ਚਾਸ੍ਸ ਵਿਸੇਸਵਿਹਿਤੇਨ ਤੁਂਪਚ੍ਚਯੇਨ ਬਾਧਾ ਭਿਨ੍ਨਤ੍ਤਾ, ਤੁਂਪਚ੍ਚਯਸ੍ਸ ਹਿ ਭਾਵੇ ਵਿਧਾਨਂ ਣਕਸ੍ਸ ਤੁ ਕਤ੍ਤਰੀਤਿ. ਪੁਬ੍ਬਣਕੇਨੇਵ ਸਿਦ੍ਧੇਪਿ ਲ੍ਤ੍ਵਾਦਿਨਿਵਤ੍ਤਿਯਾ ਸੋ ਵਿਧੇਯ੍ਯੋਵ, ਨੋ ਚੇ ਲ੍ਤ੍ਵਾਦਯੋਪਿ ਸਿਯੁਨ੍ਤਿ ਚੋਦਕਪ੍ਪਸਙ੍ਗਮਾਸਙ੍ਕਿਯਾਹ- ‘ਨਚੇਵ’ਮਿਚ੍ਚਾਦਿ. ਅਵਗਮਾਭਾਵਮੇਵ ਫੁਟਯਿਤੁਮਾਹ- ‘ਨਹਿਂ’ਚ੍ਚਾਦਿ. ਹਿ ਯਸ੍ਮਾਤ੍ਯਤ੍ਥੇ ਯੋ ਏਸੋ ਵਜਤਿ ਸੋ ਕਤ੍ਤਾ, ਯੋ ਏਸੋ ਵਜਤਿ ਸੋ ਵਿਕ੍ਖਿਪੋਤ੍ਯਯਮਤ੍ਥੋ-ਤ੍ਰ ਗਮ੍ਯਤੇ, ਨ ਪਨ ਤੇਹਿ ਤਾਦਤ੍ਥਿਯਂ ਗਮ੍ਯਤੇਤਿ ਅਤ੍ਥੋ. ਚੋਦਕੋ ਲ੍ਤ੍ਵਾਦੀਹਿ ਸਾਮ੍ਯਮਾਪਾਦਯਿਤੁਂ ਸਾਮਰਿਸਂ ਵੁਤ੍ਤਵਿਧਿਨੇਵਾਪ੍ਪਤ੍ਤਿਂ ਣਕਸ੍ਸਾਪ੍ਯਾਹ- ‘ਣਕੋਪਿ’ਚ੍ਚਾਦਿ. ਅਗਤ੍ਥਂ [ਅਪਕਤਤ੍ਥਂ (ਪੋਤ੍ਥਕੇ)] ਯਦਿਪਿ ਣਕੇਨ ਤਾਦਤ੍ਥਿਯਂ ਨ ਗਮ੍ਯਤੇ ਪਕਰਣਤੋ ਗਮ੍ਯਤੇਤਿ ਣਕੋ ਭਵਿਸ੍ਸਤੀਤ੍ਯਾਸਙ੍ਕਿਯ ਚੋਦਕੋ ਆਹ- ‘ਅਥੇ’ਚ੍ਚਾਦਿ. ਪੁਬ੍ਬੇਚ੍ਚਾਦਿਨਾ ਵੁਤ੍ਤੋ-ਯਂ ‘ਣਕੋ ਨ ਵਿਧੇਯ੍ਯੋ’ਚ੍ਚਸ੍ਸ ਨ ਪਰਿਹਾਰੋ… ਸੋਤ੍ਤਰਤ੍ਤਾ ਯਥਾਵੁਤ੍ਤੇਨ, ਕਿਨ੍ਤੁ‘ਤਸ੍ਮਾ ਨੇਵਿ’ਚ੍ਚਾਦਿਨਾ ਇਮਿਨਾ ਵੁਚ੍ਚਮਾਨੋਵਪਰਿਹਾਰੋਤਿਵਿਞ੍ਞਾਤਬ੍ਬਂ. ਤਦੇਵਂਲ੍ਤ੍ਵਾਦੀਨਮ੍ਪਿਪਤ੍ਤਿਤੋਣਕਲ੍ਤ੍ਵਾਦੀਹਿ ਤਾਦਤ੍ਥਿਯਾਨਵਗਮੇ ਵਿਨਿਚ੍ਛਿਤੇ ਤਾਦਤ੍ਥਿਯਵਿਸੇਸੇਨ ਤੇਸਂ ਸਮ੍ਭਵੋਤਿ ਅਨਤ੍ਥਕਂ ‘‘ਣਕਸ੍ਸ ਕਿਰਿਯਤ੍ਥੋਪਪਦਸ੍ਸਵਿਧਾਨਂ ਲ੍ਤ੍ਵਾਦਿਪਟਿਸੇਧਨਤ੍ਥ’’ਨ੍ਤਿ ਵਾਕ੍ਯਕਾਰਵਚਨਨ੍ਤਿ ਸਤ੍ਥਕਾਰੋ ਨਿਗਮਯਮਾਹ- ‘ਤਸ੍ਮਾ’’ਚ੍ਚਾਦਿ. ਭਵਤੁ ਪਕਰਣਤੋਵ [ਚਾਪਚ੍ਚਯਭੋਵ] ਤਾਦਤ੍ਥਿਯਾਵਗਮੋ, ਤਥਾਪਿਣਕੋ ਪਰੋ ਵਿਧੇਯ੍ਯੋਤ੍ਯਧਿਪ੍ਪਾਯੇਨਾਹ- ‘ਅਥਾਪਿ’ਚ੍ਚਾਦਿ. ਗਤਤ੍ਤਂ. ਭਵਿਸ੍ਸਤਿ ਕਾਲੇ ਕ੍ਰਿਯਤ੍ਥਾਯਂ ਕ੍ਰਿਯਾਯਮੁਪਪਦੇ ਭਾਵੇ ਚ ਣਪ੍ਪਚ੍ਚਯਾਦਯੋ ਵਿਹਿਤਾ, ਤਤ੍ਰਾਹ- ‘ਪਾਕਾਯ ਵਜਤਿ’ਚ੍ਚਾਦਿ. ਅਵਿਹਿਤੇਸੁਪਿ ਤਾਦਤ੍ਥਿਯਾ ਸਿਦ੍ਧਮੇਵੇਤਿ ਅਧਿਪ੍ਪਾਯੋ.