੫੭. ਕਿਮ੍ਹਾ

ਸਮੁਦਾਯੋ ਨਾਮ ਦ੍ਵ੍ਯਵਯਵੋ ਵਾ ਸਿਯਾ ਬਹੁਕਾਵਯਵੋ ਵਾ, ਤਤ੍ਥ ਦ੍ਵ੍ਯਵਯਵਸਮੁਦਾਯਾ ਨਿਦ੍ਧਾਰਣੇ ਸਾਮਤ੍ਥਿਯਾ ਏਕਸ੍ਸੇਵ ਨਿਦ੍ਧਾਰਣਂ ਵਿਞ੍ਞਾਯਤਿ ਤਮੇਵਾਨੁਸਰਤਿ. ਬਹੁਕਾਵਯਵਸਮੁਦਾਯਾਪ੍ਯੇ ‘ਕਸ੍ਸ ਨਿਦ੍ਧਾਰਣੇ’ਤਿ ਸੁਤ੍ਤੇ ਏਕਸ੍ਸਾਤਿ ਵਚਨਾਭਾਵੇਪਿ ਏਕਸ੍ਸੇਵ ਨਿਦ੍ਧਾਰਣਂ ਵਿਞ੍ਞਾਤਬ੍ਬਂ ਤੇਨੇਵ ਕਤਰੋ ਭਵਤਂ ਦੇਵਦਤ੍ਤੋ’ਤ੍ਯਾਦਿਕਮੁਦਾਹਰਣਮਦਾਸਿ. ਕਤਰੋ ਭਵਤਂ ਦੇਵਦਤ੍ਤੋ ਕਤਰੋ ਭਵਤਂ ਕਠੋਤ੍ਯਾਦ੍ਯੁਦਾਹਰਣਬਹੁਤ੍ਤੇਨ ਨਿਦ੍ਧਾਰਣਵਾਚੀਨਮਬਹੁਤ੍ਥੇਪਿ ਨਿਦ੍ਧਾਰਿਯਮਾਨਵਾਚੀਹੀ’ਤਿ ਬਹੁਤ੍ਤੇਨ ਵੁਤ੍ਤਂ. ਅਪਚ੍ਚਪਰਂਪਰਾਯ ਪਵਤ੍ਤਂ ਗੋਤ੍ਤਂ ਵਂਸੋ, ਤਦਭਿ ਧਾਯਿਨੋ ਅਪਚ੍ਚਪ੍ਪਚ੍ਚਯਨ੍ਤਾਪਿ ਅਭੇਦੋਪਚਾਰੇਨ ਗੋਤ੍ਤਂ, ਤੇਵਾਪਚ੍ਚਾ ਪਚ੍ਚਵਨ੍ਤਸਮ੍ਬਨ੍ਧਦ੍ਵਾਰੇਨਾਪਚ੍ਚੇ ਪਵਤ੍ਤਾਤਿ ਸਮ੍ਬਨ੍ਧਿਸਦ੍ਦਾ ਭਵਨ੍ਤਿ, ਚਰਣਸਦ੍ਦਾ ਚ ਕਠਾ ਯੋ ਕਿਰਿਯਾਸਦ੍ਦਾ ਭਵਨ੍ਤਿ ਕਠਾਦੀਹਿ ਵੁਤ੍ਤਜ੍ਝਯਨਤ੍ਥਂ ਯਥਾ ਸਕਂਵਤਚਰਣਕਿਰਿਯਾਨਿਮਿਤ੍ਤਤ੍ਤੇਨਾਜ੍ਝੇਤੂਸੁ ਪਵਤ੍ਤਾਤਿ ਤੇਸਂ ਸਮ੍ਬਨ੍ਧਿਸਦ੍ਦਾਨਂ ਕੇਸਞ੍ਚਿ ਅਤ੍ਥਸ੍ਸ ਕਿਰਿਯਾਸਦ੍ਦਾਨਂ ਚਾਤ੍ਥਸ੍ਸ ਅਸਤ੍ਯਪਿ ਜਾਤਿਤ੍ਤੇ ਜਾਤਿਨਿਬਨ੍ਧਨਂ ਲੋਕੇ ਕਾਰਿਯਮਿਟ੍ਠਂ ਤਦੁਤ੍ਤਂ ‘‘ਗੋਤ੍ਤਞ੍ਚ ਚਰ- ਣੇਹਿ ਸਹਾ’’ਤਿ. ਤਤ੍ਥਾਪਿ ਜਾਤਿਤ੍ਤਮ੍ਪਰਿਭਾਸਿਤਂ, ਤੇਨਾਹ- ‘ਕਠਸ੍ਸ ਚਰਣਤ੍ਤਾ ਜਾਤਿਤ੍ਤਂ ਗੋਤਤ੍ਤਾ ਜਾਤਿਤ੍ਤ’ਨ੍ਤਿ ਚ.