੫੮. ਤੇਨ

ਲੋਕਿਯਾਤਿ ਪਰਸਦ੍ਦਸਤ੍ਥਕਾਰੇ ਸਨ੍ਧਾਯਾਹ. ਇਹ ਤੁ ਅਵਿਸੇਸੇਨ ਵੁਤ੍ਤਨ੍ਤਿ ਸਮ੍ਬਨ੍ਧੋ. ਨਿਰੁਤ੍ਤਿਯਂ ਸਾਮਞ੍ਞੇਨ ਵੁਤ੍ਤਤ੍ਤਾਤਿ ਯੋਜਨਾ. ਸਾਮਞ੍ਞੇਨ ਵੁਤ੍ਤਾਕਾਰਂ ਦਸ੍ਸੇਤੁਂ ‘ਕਥ’ਨ੍ਤਿਆਦਿ ਵੁਤ੍ਤਂ. ਦੇਵੇਹਿ ਦਤ੍ਤੋ ਬ੍ਰਹ੍ਮੁਨਾ ਦਤ੍ਤੋਤਿਆਦੀਨਿ ਕਤ੍ਤਰਿ ਕਰਣੇ ਵਾ ਵਿਗ੍ਗਹਵਾਕ੍ਯਾਨਿ. ਦੇਵਦਤ੍ਤੋ ਦੇਵਦਤ੍ਤਿਕੋ ਦੇਵਿਯੋ ਦੇਵਲੋਤਿਆਦੀਨਿ ਵੁਤ੍ਤਿਪਦਾਨਿ.

ਤਤ੍ਥ ਨਿਰੁਤ੍ਤਿਪਿਟਕਾਗਤਾਨਂ ‘ਦੇਵਦਤ੍ਤਾ ਦੇਵਦਤ੍ਤਿਕੋ’ਤਿਆਦੀਨਂ ਵੁਤ੍ਤਿਪਦਾਨਮਞ੍ਞਥਾ ਨਿਪ੍ਫਤ੍ਤਿਮੁਪਦਸ੍ਸਿਯ ਦੇਵਲੋ ਦੇਵਿਯੋਤਿਆਦੀਨਮ੍ਪਨ ਵਚਨਨ੍ਤਰੇਨੇਵ ਨਿਪ੍ਫਤ੍ਤਿਂ ਦਸ੍ਸੇਤੁਂ ‘ਦੇਵੇਹਿ ਦਤ੍ਤੋ’ਤਿਆਦਿ ਵੁਤ੍ਤਂ. ਪਰਸਦ੍ਦਸਤ੍ਥਕਾਰਾਨਮ੍ਪਿ ਦੇਵਲੋ ਦੇਵਿਯੋਤਿ ਵਚਨਨ੍ਤਰੇਨੇਵ ਸਾਧਨਂ ਸਾਧਨਾਕਾਰਞ੍ਚ ਤੇਸਂ ਦਸ੍ਸੇਤੁਂ ‘ਕੇਚੀਹੀ’ਤਿਆਦਿ ਵੁਤ੍ਤਂ. ਏਕਦੇਸਤੋਯੇਵ ਪਚ੍ਚਯਮਿਚ੍ਛਨ੍ਤਿ ਤੇਨ ਤੇਸਂ ਦੇਵਲੋ ਦੇਵਿਯੋ ਦਤ੍ਤਿ ਲੋਚ੍ਚਾਦਿ ਭਵਤਿ. ਕਪ੍ਪਨਾਗਾਰਵੋਤਿ ਦਤ੍ਤਸਦ੍ਦਲੋਪਨਾਮੇਕਦੇਸਵਸੇਨ ਕਪ੍ਪਨਾਗਾਰਵੋ.