੫੬. ਵਚ੍ਛਾ

ਤਰੋ ਹੋਤੀਤਿ ਵੁਤ੍ਤੇਪਿ ਤੇਹਿ ਤਰੋ ਹੋਤੀਤਿ ਵਿਞ੍ਞਾਯਤਿ, ਵਚ੍ਛਾਦੀਹੀਤਿ ਸੁਤਤ੍ਤਾ ਪਨ ਵਚ੍ਛਾਦੀਨਨ੍ਤਿ ਚ ਵਿਞ੍ਞਾਯਤੀਤਿ ਵਚ੍ਛਾਦੀਨਨ੍ਤਿਆਦਿਨਾ ਵੁਤ੍ਤਿਗਨ੍ਥੋਪਦਸ੍ਸਨਂ. ਨਨੁ ਤਨੁਤ੍ਤੇ ਵਵਚ੍ਛਾਦੀਹਿ ਪਚ੍ਚਯੋ ਵਿਧੀਯਤੇ, ਯੇ ਚ ਸਰੀਰੇਨ ਕਿਸਾਵਚ੍ਛਾਦਯੋ, ਤਤ੍ਰਾਪ੍ਯਵਿਸੇਸੇਨ ਪਯੋਗੋ ਪਸਜ੍ਜਤਿ [ਪਯੋਪਸਜ੍ਜਨੇ (ਪੋਤ੍ਥਕੇ)] ਵਿਸੇਸਾਨੁਪਾਦਾਨਤੋ, ਤਸ੍ਮਾ ਕਥਮਤ੍ਰ ਸਭਾਵਸ੍ਸੇਵ ਤਨੁਤ੍ਤਂ ਵਿਞ੍ਞਾਯਤੇ ਯੇਨੇਵਂ ਵਿਵਟਮਿਚ੍ਚਾਹ- ‘ਵਚ੍ਛਾਦਿਸਦ੍ਦਾਨ’ ਮਿਚ੍ਚ-ਦਿ, ਵਚ੍ਛਾਦੀਹਿ ਪਕਤੀਤਿ ਪਚ੍ਚਯੇ ਵਿਧੀਯਮਾਨੇ ਤਾਸਂ ਪਵਤ੍ਤਿਨਿਮਿਤ੍ਤਂ ਵਯੋਵਿਸੇਸਾਦਿ, ਯਸ੍ਮਿਂ ਸਤਿ ਵਚ੍ਛਾਦਯੋ ਸਦ੍ਦਾ ਦਬ੍ਬੇ-ਭਿਨਿਵਿਸਨ੍ਤੇ, ਤਂ ਪਚ੍ਚਯਾ-ਸਨ੍ਨਂ, ਨ ਚ ਕਿਸਤ੍ਤਸ੍ਸ ਭਾਵਾ ਦਬ੍ਬੇ ਵਚ੍ਛਾਦਿਸਦ੍ਦਾ ਪਵਤ੍ਤਨ੍ਤੇ. ਅਤੋ ਤਸ੍ਸੇਵ ਸਦ੍ਦਪ੍ਪਵਤ੍ਤਿਨਿਮਿਤ੍ਤਸ੍ਸ ਤਨੁਤ੍ਤੇ ਯੁਤ੍ਤਂ ਪਚ੍ਚਯੇਨ ਭਵਿਤੁਂ, (ਨ) ਤਨੁਤ੍ਤਮਤ੍ਤੇਤਿ ਮਞ੍ਞਤੇ. ਪਵਤ੍ਤਿਨਿਮਿਤ੍ਤਂ ਸਮ੍ਬਨ੍ਧਿ ਆਸਨ੍ਨਨ੍ਤਿ ਸਮਾਨਾਧਿਕਰਣਾਨਿ.

ਵਚ੍ਛੋ ਪਠਮਵਯੋ, ਤਸ੍ਸ ਤਨੁਤ੍ਤਂ ਦੁਤਿਯਵਯਪ੍ਪਤ੍ਤਿ. ਦੁਤਿਯਞ੍ਹਿ ਵਯਂ ਪਪ੍ਪੋਨ੍ਤਸ੍ਸ ਵਚ੍ਛਸ੍ਸ ਪਠਮੋ ਵਯੋ ਵਚ੍ਛਸਦ੍ਦਸ੍ਸ ਪਵਤ੍ਤਿਨਿਮਿਤ੍ਤਂ ਕਿਞ੍ਚਿਮਤ੍ਤਾਵਸੇਸਂ ਭਵਤਿ ਅਮੁਮੇਵਾਹ-‘ਸੁਸੁਤ੍ਤਸ੍ਸੇ’ਚ੍ਚਾਦਿਨਾ. ਉਕ੍ਖੋਤਰੁਣੋਦੁਤਿਯਵਯਪ੍ਪਤ੍ਤੋ ਵੁਚ੍ਚਤੇ, ਤਸ੍ਸ ਤਨੁਤ੍ਤਂ ਤਤਿਯਵਯਪ੍ਪਤ੍ਤਿ. ਤਤਿਯਞ੍ਹਿ ਵਯਪ੍ਪਤ੍ਤਕਾਲੇ ਦੁਤਿਯਸ੍ਸ ਵਯਸ੍ਸ ਉਕ੍ਖਸਦ੍ਦਪ੍ਪਵਤ੍ਤਿ ਨਿਮਿਤ੍ਤਸ੍ਸ ਕਿਞ੍ਚਿਮਤ੍ਤਾ ਵਸੇਸਤੋ [ਵਸਿਸ੍ਸਤੇ (ਪੋਤ੍ਥਕੇ)] ਜਾਤਿਸਙ੍ਕਰਤ੍ਤਾ ਗਦ੍ਦਭਜਾਤਿਯਾ ਵਲ਼ਵਾਜਾਤਿਯਾ ਚ ਮਿਸ੍ਸਤ੍ਤਾ. ਭਾਰਵਾਹਕਤ੍ਤਮ੍ਪਤਿ ਯੋ ਸਮਤ੍ਥੋ, ਸੋ ਉਸਭੋਤ੍ਯੁਚ੍ਚਤੇ, ਯਦਾਤੁ ਤਸ੍ਸ ਭਾਰਵਾਹਕਤ੍ਤੇ ਸਾਮਤ੍ਥਿਯਂ ਮਨ੍ਦਂ ਭਵਤਿ ਪਰਿਕ੍ਖੀਣਂ, ਤਦਾ ਤਨੁਤ੍ਤਮ੍ਭਵਤੀਤ੍ਯਾਹ- ‘ਸਾਮਤ੍ਥਿਯਸ੍ਸ ਤਨੁਤ੍ਤਂ ਅਪ੍ਪਬਲਤਾ’ਤਿ.