੨੭. ਤਮਸ੍ਸ

ਸਿਪ੍ਪਸਦ੍ਦਤ੍ਥਮਾਹ-‘ਲੋਸਲ੍ਲ’ਨ੍ਤਿ. ਤਮੇਵ ਬ੍ਯਞ੍ਜਯਤਿ ‘ਕਿਰਿਯੇ’ਚ੍ਚਾਦਿਨਾ, ਕਰਣਂ ਕਿਰਿਯਾ ਵਾਦਨਾਦਿਕਸ੍ਸ ਅਭ੍ਯਾਸੋ, ਸੋ ਪੁਬ੍ਬੋ ਯਸ੍ਸਾਤਿ ਸਮਾਸੋ, ਵੀਣਾਦਿਸਦ੍ਦੇਹਿ ਕਿਮੁਚ੍ਚਤੇਚ੍ਚਾਹ- ‘ਵੀਣਾਦਿ’ਚ੍ਚਾਦਿ, ਦਬ੍ਬਂ ਤਂਤਂਸਮੁਦਾਯਰੂਪਂ. ਸਿਪ੍ਪਞ੍ਚਾਤਿ ਵਤ੍ਵਾ ਤਦਤ੍ਥਂ ਵਿਭਾਵੇਤਿ ‘ਕਿਰਿਯਾ ਵਿਸੇਸੋ’ਤਿ. ਵਾਦਨਾਦਿਕਿਰਿਯਾਯ ਵਿਸਿਟ੍ਠੋ ਜਾਨਨਕਿਰਿਯਾਵਿਸੇਸੋਤਿ ਅਤ੍ਥੋ, ਇਮਿਨਾ ਵੀਣਾਦਿਸਦ੍ਦਾ ਦਬ੍ਬਤ੍ਥਵੁਤ੍ਤਿਨੋ ਵਾਦਨਾਦਿਕਿਰਿਯਂ ਕਿਰਿਯਾ ਵਿਸੇਸਞ੍ਚ ਸਿਪ੍ਪਮੁਪਚਾਰੇਨ ਵਦਨ੍ਤੀਤਿ ਦੀਪੇਤਿ. ਇਤਿਸਦ੍ਦੋ ਹੇਤੁਮ੍ਹਿ. ਸਾਯੇਵੇਤਿ ਅਭ੍ਯਾਸਿਤਬ੍ਬਾ ਜਾਨਨਕਿਰਿਯਾਵਿਸੇਸਸ੍ਸ ਪੁਬ੍ਬਭੂਤਾ ਵਾਦਨਕਿਰਿਯਾ, ਵਿਸੇਸੇਤੁਂ ਯੁਤ੍ਤਾ ਵੀਣਾਦਿਸਦ੍ਦੇਨਾਤਿ ਅਧਿਪ੍ਪਾਯੋ.

ਯੁਤ੍ਤਤਾ ਚੇਤ੍ਥ… ਵੀਣਾਦਿਵਾਦਨਵਸੇਨ ਸਿਪ੍ਪਸ੍ਸ ਗਹੇਤਬ੍ਬਭਾਵਤੋ, ਕਥਂ ਵੀਣਾਦਿਸਦ੍ਦੇਹਿ ਦਬ੍ਬਵੁਤ੍ਤੀਤਿ ਵਾਦਨਾ ਵੁਚ੍ਚਤੀਤਿ ਆਹ- ‘ਵੀਣਾਦਿ ਵਿਸਯਤ੍ਤਾ’ਤਿ, ਵਾਦਨਵੁਤ੍ਤਿਵੀਣਾਦਿਸਦ੍ਦਾਨਂ ਸਿਪ੍ਪਵੁਤ੍ਤਿਤ੍ਤਂ ਯਥਾਵੁਤ੍ਤਸ੍ਸੋ ਪਮਾਵਸੇਨ ਵਤ੍ਤੁਮਾਹ- ‘ਯਥੇ’ਚ੍ਚਾਦਿ. ਵੀਣਾਦਿਵਾਦਨਨ੍ਤਿ ਯਥੇਤਿ ਸਮ੍ਬਨ੍ਧੋ. ਵੁਤ੍ਤਮੇਵ ਫੁਟਯਨ੍ਤੋ ਵੁਤ੍ਤਿਗਨ੍ਥਸ੍ਸ ਮੁਖਂ ਵਿਵਰੀਯਤਿ ‘ਕਿਰਿਯੇ’ਚ੍ਚਾਦਿਨਾ. ਕਿਰਿਯਾਤ੍ਯਾਸਪੁਬ੍ਬਕਂ ਞਾਣਕ੍ਖਮਂ ਕੋਸਲ੍ਲਂ ਵਾਦਨਕਿਰਿਯਾ ਵਿਸਯਤ੍ਤਾ ਵੀਣਾਵਾਦਨਮਿਚ੍ਚਨੇਨ ਕਿਰਿਯਾਸਦ੍ਦੇਨ ਵੁਚ੍ਚਤੀਤ੍ਯਤ੍ਥੋ. ਮੁਦਙ੍ਗਂ ਮੁਦਙ੍ਗਵਾਦਨਂ ਸਿਪ੍ਪਮਸ੍ਸ, ਵਂਸੋ ਸਿਪ੍ਪਮਸ੍ਸਾਤਿ ਵਿਗ੍ਗਹੋ. ਸੀਲਮਦ੍ਦਬ੍ਬਂ ਕਥਂ ਪਂਸੁਕੂਲਾਦਿ(ਨੋ) ਸੀਲਤ੍ਥਸਮਾਨਾਧਿਕਰਣਤ੍ਤੇਨਾਭਿਧਾਨਨ੍ਤ੍ਯਾਹ- ‘ਪਂਸੁਕੂਲਾਦਿਧਾਰਣ’ਮਿਚ੍ਚਾਦਿ. ਤਞ੍ਚ ਸੀਲਨ੍ਤਿ ਸਮ੍ਬਨ੍ਧੋ.

ਅਪ੍ਪਿਚ੍ਛਤਾਯਾਤਿ ਪਚ੍ਚਯਪ੍ਪਿਚ੍ਛਤਾਯ. ਸਨ੍ਤੁਟ੍ਠਿਤਾਯਾਤਿ ਚਤੂਸੁ ਪਚ੍ਚਯੇਸੁ ਦ੍ਵਾਦਸਵਿਧਸਨ੍ਤੁਟ੍ਠਿਯਾ. ਅਨੁਵਿਧੀਯਮਾਨਂ ਕਰੀਯਮਾਨਂ. ਫਲਨਿਰਪੇਕ੍ਖਨ੍ਤਿ ਇਮਿਨਾ ਇਧ ਲੋਕੇ ਚੀਵਰਾਦਿਹੇਤੁ ਪਣਿਧਾਯ ਪਂਸੁਕੂਲ ਧਾਰਣਾਦਿਂ ਪਟਿਕ੍ਖਿਪਤਿ, ਸੀਲਂ ਤਪ੍ਪਰਭਾਵੇਨ ਸੇਵਨਾ. ਇਦਂ ਵੁਤ੍ਤਂ ਹੋਤਿ ‘‘ਪਂਸੁਕੂਲਾਦਿਧਾਰਣਂ ਪਂਸੁਕੂਲਾਦਿਵਿਸਯਨ੍ਤਿ ਪਂਸੁਕੂਲਾਦਿਸਦ੍ਦੇਨੋਪਚਾਰੇਨਾਭਿਧੀਯਤੇ, ਸੀਲਂ ਪਂਸੁਕੂਲਧਾਰਣਵਿਸਯਨ੍ਤਿ ਪਂਸੁਕੂਲਾਦਿ ਸਦ੍ਦੇਨੋਪਚਾਰੇਨੋਚ੍ਚਤੀ’’ਤਿ. ਤਿਚੀਵਰਂ ਸੀਲਮਸ੍ਸਾਤਿ ਵਿਗ੍ਗਹੋ ਤੇਸਂ ਗੁਲ਼ੋ ਪਣ੍ਯਮਸ੍ਸਾਤਿ ਵਿਗ੍ਗਹੋ ਤੋਮਰਂ, ਮੁਗ੍ਗਰੋ ਪਹਰਣਮਸ੍ਸਾਤਿ ਵਿਗ੍ਗਹੋ, ਉਪਧੀਯਤ੍ਯੁਪਰਿਆਧੀਯਤੀਤਿ ਰਥਙ੍ਗਂ ਵੁਚ੍ਚਤਿ. ਕਾਮਕ੍ਖਨ੍ਧਕਿਲੇਸਾਭਿਸਙ੍ਖਾਰਾ ਵਾ ਉਪਧਿ ਉਪਦਧਾਤਿ ਸੁਖਂ ਦੁਕ੍ਖਂਵਾਤਿ ਕਤ੍ਵਾ.