੧. ਣੋ ਵਾਪਚ੍ਚੇ

ਨਨੁ ਚ ‘ਣੋ ਵਾਪਚ੍ਚੇ’ਤਿ ਵਚਨਤੋ ਕਥਂ ਪਕਤਿਵਿਸਯਾਵਗਮੋ ਸਿਯਾ. ਯਥਾਕਥਞ੍ਚਿ ਪਕਤਿਵਿਸਯਾਵਗਮੇਪਿ ਸਾਮਞ੍ਞਵਚਨਤੋ ਪਨ ਧਮ੍ਮੇਨਾਪਚ੍ਚਨ੍ਤ੍ਯਾਦੋ ਯਤੋ ਕੁਤੋਚਿ ਧਮ੍ਮੇਨਿਚ੍ਚਾਦਿਤੋਪਿ ਸਿਯਾ ਣਾ ਦਿਪਚ੍ਚਯੋਤ੍ਯਾਸਙ੍ਕਿਯਾਹ ‘ਅਪਚ੍ਚਵਤਾ’ਚ੍ਚਾਦਿ. ਅਪਚ੍ਚਸ੍ਸਾਤਿ ਅਪਚ੍ਚਤ੍ਥਸ੍ਸ, ਅਪਚ੍ਚਵਤਾਤਿ ‘‘ਣੋ ਵਾਪਚ੍ਚੇ’’ਤਿ ਵਸਿਟ੍ਠਾਦ੍ਯਤ੍ਥਸ੍ਸੇਵ ਪਰਿਗ੍ਗਹਣਾਯ ਸਾਮਞ੍ਞਵਚਨਤੋ ਯੋ ਅਪਚ੍ਚਵਾ ਤਤੋ, ਅਤ੍ਥਤੋ ਪਨ ਅਸਮ੍ਭਵਾ ਦਬ੍ਬਾਚਕਸਦ੍ਦਾਵ ਸਾਮਤ੍ਥਿਯੇਨ ਛਟ੍ਠਿਯਨ੍ਤਾ ਸਬ੍ਬਲਿਙ੍ਗਵਚਨਾ ਜਾਯਤੇਤਿ ਵਿਞ੍ਞਾਤਬ੍ਬਂ. ਧਮ੍ਮਸ੍ਮਾਪਚ੍ਚਂਤ੍ਯਾਦੀਸੁ ਣਾਦਿਪ੍ਪਚ੍ਚਯੋ (ਨ ਜਾਯਤੇ) ਤਿ ਸਮ੍ਬਨ੍ਧੋ.

ਧਮ੍ਮੇਨਾਤਿ ਧਮ੍ਮੇਨ ਕਰਣਭੂਤੇਨ. ਧਮ੍ਮਾਯਾਤਿ ਧਮ੍ਮਤ੍ਥਂ, ਧਮ੍ਮਸ੍ਮਾਤਿ ਧਮ੍ਮਹੇਤੁਨਾ, ਤਤੋ ਅਸਮ੍ਭਵੇ ਕਾਰਣਮਾਹ ‘ਸਾਪੇਕ੍ਖਤ੍ਤਾ’ਤਿ. ਸਾਪੇਕ੍ਖਤ੍ਤਮੇਵ ਸਮਤ੍ਥੇਤਿ ‘ਅਪਚ੍ਚਵਾਹਿ’ਚ੍ਚਾਦਿਨਾ, ਧਮ੍ਮੇਨਾਪਚ੍ਚਂ ਕਸ੍ਸਾਤਿ ਪੁਚ੍ਛਿਤ੍ਵਾ ਦੇਵਦਤ੍ਤਸ੍ਸਾਤਿ ਅਪੇਕ੍ਖਿਯਮਾਨਂ ਵਦਤਿ. ਦੇਵਦਤ੍ਤਸ੍ਸਾਤਿ ਅਪਚ੍ਚਵਾ ਦੇਵਦਤ੍ਤਾਦਿ ਅਪੇਕ੍ਖੀਯਤੇਤਿ ਸਮ੍ਬਨ੍ਧੋ, ਹਿਸਦ੍ਦੋ ਹੇਤੁਮ੍ਹਿ. ਨ ਹੇਤ੍ਥ ਣਾਦਿਵੁਤ੍ਤਿ ਅਞ੍ਞਤ੍ਥ [ਨਹੇਤਕਾਮਨ੍ਤਤ੍ਥ (ਪੋਤ੍ਥਕੇ)] ਸਾਪੇਕ੍ਖਤ੍ਤਾ ਕਮ੍ਬਲੋ ਵਸਿਟ੍ਠਸ੍ਸਾਪਚ੍ਚਂ ਦੇਵਦਤ੍ਤਸ੍ਸਾਤਿ ਏਤ੍ਥ ਪਨ ਵਸਿਟ੍ਠੋ-ਪਚ੍ਚਵਾਤਿ ਤਤੋ ਛਟ੍ਠਿਯਨ੍ਤਾ ਹੋਤਿਚ੍ਚਾਸਙ੍ਕਿਯਾਹ- ‘ਨ ਚੇ’ਚ੍ਚਾਦਿ. ਨ ਚ ਹੋਤੀਤਿ ਸਮ੍ਬਨ੍ਧੋ.

ਕਾਰਣਮਾਹ- ‘ਅਸਮ੍ਬਨ੍ਧਾ’ਤਿ. ਨ ਹੇਤ੍ਥ ਸਮ੍ਬਨ੍ਧੋ ਵਸਿਟ੍ਠਸ੍ਸ ਕਮ੍ਬਲਾਪੇਕ੍ਖਤ੍ਤੇਨ ਅਪਚ੍ਚਸ੍ਸ ਚ ਦੇਵਦਤ੍ਤਾਪੇਕ੍ਖਤ੍ਤੇਨਾਤ੍ਥਨ੍ਤਰਾਪੇਕ੍ਖਾਯ ਵਸਿਟ੍ਠਸ੍ਸਾਪਚ੍ਚੇਨ ਸਮ੍ਬਨ੍ਧਾਭਾਵਾਯੇਵ ਵਸਿਟ੍ਠਸ੍ਸ ਅਪਚ੍ਚਂ ਵਾਸਿਟ੍ਠੋਤਿ ਣਾਦਿਵੁਤ੍ਤਿਯਾ ਭਾਵੇ ਸਾਮਤ੍ਥਿਯਂ ਨਤ੍ਥਿ, ਸਮਤ੍ਥਞ੍ਹਿ ਵਸਿਟ੍ਠਂ ਰਾਜਪੁਰਿਸਾਦਿ ਸਮਾਸਵੁਤ੍ਤਿਯਮੇਕਤ੍ਥਤ੍ਤਮਿਵ ਵਾਸਿਟ੍ਠਾਦਿਣਾਦਿਵੁਤ੍ਤਿਯਂ ਣਾਦਿਪ੍ਪਚ੍ਚਯਮੁਪਜਨਯਤਿ, ਨਾਸਮਤ੍ਥਂ, ਤਤੋ ਸਬ੍ਬਮੇਵੇਤਮ੍ਮਨਸਿ ਨਿਧਾਯ ਵੁਤ੍ਤਂ- ‘ਅਸਮ੍ਬਨ੍ਧਾ’ਤਿ.

ਯਦਿ ਪਨੇਤ੍ਥ ਣਾਦਿਪ੍ਪਚ੍ਚਯੋ ਸਬ੍ਬਥਾ ਸਮ੍ਬਨ੍ਧਮਪੇਕ੍ਖਤੇ, ਤਦਾ ਵਿਸੇਸਤੋ ਯਸ੍ਸਾਪਚ੍ਚੇਨ ਸਮ੍ਬਨ੍ਧੋ ਤਤੋਵ ਜਨਕਤੋ ਸੋ ਸਿਯਾਤਿ ਦਸ੍ਸੇਤੁਮਾਹ- ‘ਯਜ੍ਜੇਵ’ਮਿਚ੍ਚਾਦਿ.

ਯੋ ਜਨਕੋਤਿ ਯੋਯੋ ਯਸ੍ਸ ਯਸ੍ਸ ਅਪਚ੍ਚਸ੍ਸ ਜਨਕੋ. ਤਤੋਯੇਵਾਤਿ ਤਸ੍ਮਾਤਸ੍ਮਾ ਜਨਕਤੋਯੇਵ. ਸਿਯਾਤਿ ਤਸ੍ਮਿਂ ਤਸ੍ਮਿਂ ਅਪਚ੍ਚਤ੍ਥੇ ਣਾਦਿਪ੍ਪਚ੍ਚਯੋ ਸਿਯਾ. ਤਤ੍ਥ ਹੇਤੁਮਾਹ- ‘ਤਸ੍ਸੇਵਾਪਚ੍ਚੇਨ ਯੋਗਾ’ਤਿ. ਯੋਗਾਤਿ ਅਪਚ੍ਚਸਮ੍ਬਨ੍ਧਤੋ, ਨ ਮੂਲਪ੍ਪਕਤਿਤੋਤਿ ਪਰਮਪ੍ਪਕਤਿਤੋ ਨ ਹੋਤੀਤਿ ਵੁਤ੍ਤਂ ਹੋਤਿ. ਹੇਤੁਮਾਹ- ‘ਅਯੋਗਾ,ਤਿ, ਵਚਨਾਭਾਵਮ੍ਪੇਤ੍ਥ ਦਸ੍ਸੇਤੁਂ ਚੇ’ਤ੍ਯਾਦਿ ਵੁਤ੍ਤਂ.

ਵਚਨਨ੍ਤਿ ਸੁਤ੍ਤਂ, ਸਮ੍ਬਨ੍ਧਾਭਾਵਾ (ਤਾਦਿਸਵਚਨਾਭਾਵਾ) ਚ ਮੂਲਪ੍ਪਕਤਿਤੋ ਣਾਦਿਪ੍ਪਚ੍ਚਯਸ੍ਸਾਭਾਵਂ ਦਸ੍ਸੇਤ੍ਵਾ ਇਦਾਨਿ ਮੂਲਪ੍ਪਕਤਿਤੋਵਾਸ੍ਸਾਭਿਮਤਭਾਵਂ ਦਸ੍ਸੇਤੁਂ ‘ਮੂਲਪ੍ਪਕਤਿਤੋ’ਚ੍ਚਾਦਿ ਵੁਤ੍ਤਂ.

ਕਥਮ੍ਪਨਿਦਂ ਵਿਞ੍ਞਾਯਤਿਚ੍ਚਾਦਿਨਾ ਜਨਕਸ੍ਸੇਵਾਬ੍ਯਾਹਿਤਸ੍ਸਾਪਚ੍ਚੇਨ ਮੁਖ੍ਯ ਸਮ੍ਬਨ੍ਧਮਾਨੀਯ ਇਦਮਯੁਤ੍ਤਨ੍ਤ੍ਯਾਦਿਨਾ ਬ੍ਯਵਹਿਤਜਨਿਤਸ੍ਸਾਪ੍ਯਪਚ੍ਚਯਸ੍ਸ ਪਰਮਪ੍ਪਕਤਿਯਾਭਿਸਮ੍ਬਨ੍ਧਸਬ੍ਭਾਵਂ ਵਤ੍ਵਾ ਤਂ ਸਾਧਯਿਤੁਮਾਰਭਤੇ ‘ਕਥ’ਮਿਚ੍ਚਾਦਿ, ਏਵਂ ਹਿਚ੍ਚਾਦਿ ਕਥਂਪਨਿਦਮਿਚ੍ਚਾਦਿਨਾ ਯਥਾਵੁਤ੍ਤਸ੍ਸ ਸਮਤ੍ਥ ਨਵਾਕ੍ਯਂ, ਹਿਯਸ੍ਮਾ ਤਂ ਦਿਸ੍ਵਾ ਤਥਾ ਪੁਚ੍ਛਿਤੋ ਦੇਵਦਤ੍ਤਸ੍ਸਵਾਤਿਆਦਿਨਾ ਉਪ੍ਪਾਦੇਤਾਰਮੇਵ ਨਿਦ੍ਦਿਸਤਿ, ਨਾਤ੍ਤਾਨਂ ਪਿਤਾਮਹੋ, ਤਸ੍ਮਾ ਉਪ੍ਪਾਦੇਤਾਯੇਵਾਪਚ੍ਚੇਨ ਸਮ੍ਬਜ੍ਝਤਿ ਨ ਪਿਤਾਮਹੋਤਿ ਯੋਜੇਤ੍ਵਾ ਅਧਿਪ੍ਪਾਯੋ ਵੇਦਿਤਬ੍ਬੋ. ਇਦਂ ਯਥਾਵੁਤ੍ਤਮੁਪ੍ਪਾਦੇਤੁਨਿਦ੍ਦਿਸਨਂ, ਤੇਨ ਅਪਚ੍ਚੇਨ ਸਦ੍ਧਿਂ ਉਪ੍ਪਾਦੇਤੁਯੇਵ ਜਨਕਸ੍ਸੇਵ ਯੋਗੋ ਸਮ੍ਬਨ੍ਧੋ ਪਟਿਪਾਦੇਤੁਂ ਨ ਸਕ੍ਕਾਤਿ ਸਮ੍ਬਨ੍ਧੋ.

ਤਨ੍ਤਿਤਂ [ਤਤ੍ਥ-ਇਤਿ (ਪਞ੍ਚਿਕਾਯਂ)] ਪੁਚ੍ਛਾਨਿਮਿਤ੍ਤਂ, ਤੇਨਾਤਿ ਅਪਚ੍ਚੇਨ. ਅਪਤਨਨ੍ਤਿ ਨਰਕੇ ਅਪਤਨਂ ਭਵਤਿ, ਸੋਤਿ ਯੋਸੋ ਯਸ੍ਸਾਤ੍ਯਨਿਯਮਨਿਦ੍ਦਿਟ੍ਠੋ ਸੋ ਞਾਤੁਂ ਨ ਇਚ੍ਛਿਤੋਤਿ ਸਮ੍ਬਨ੍ਧੋ. ਇਮਿਨਾ ਇਦਂ ਦੀਪੇਤਿ- ‘‘ਨਪਤਤ੍ਯਨੇਨ ਨਰਕੇਤ੍ਯਪਚ੍ਚਨ੍ਤਿ ਵੁਚ੍ਚਤਿ ਅਪਚ੍ਚੇਨਾਨੇਨ ਯਸ੍ਸਕਸ੍ਸਚਿ ਅਵਿਸੇਸੇਨਾਪਤਨਮ੍ਭਵਤਿ ਨਰਕੇ ਸੋਸੋ ਤਾਯ ਪੁਚ੍ਛਾਯ ਞਾਤੁਂ ਨ ਇਚ੍ਛਿਤੋ’’ਤਿ. ਸੋ ਵਾਤਿ ਕਸ੍ਸਾਯਂ ਪੁਤ੍ਤੋਤਿ ਪੁਚ੍ਛਾਯਾਨੁਰੋਧਨੇ ਸੋ ਉਪ੍ਪਾਦੇਤਾਯੇਵ ਞਾਤੁਮਿਚ੍ਛਿਤੋਤਿ ਸਮ੍ਬਨ੍ਧੋ. ਤੁਸਦ੍ਦੋ ਚੇਤ੍ਥਾਪਚ੍ਚੇਨ ਨਰਕਾਪਾਤਸਬ੍ਬ ਜਨਜਾਨਨਿਚ੍ਛਾਵਿਸੇਸਜੋਤਕੋ, ਯਦਿ ਸਿਯਾਤਿ ਸਮ੍ਬਨ੍ਧੋ, ਅਤ੍ਤਾਨਮ੍ਪਿ ਨਿਦ੍ਦਿਸੇਯ੍ਯ ਨ ਕੇਵਲਮੁਪ੍ਪਾਦੇਤਾਰਂ, ਅਤ੍ਥਿਚ੍ਚਾਦਿ ਪਿਤਾਮਹਸ੍ਸ ਅਤ੍ਤਨੋਪਿ ਨਿਦ੍ਦੇਸੇ ਕਾਰਣਵਚਨਂ, ਤਂ ਅਪਚ੍ਚਂ ਨਿਮਿਤ੍ਤਂ ਕਾਰਣਂ, ਯਸ੍ਸ ਤਂ ਤਂਨਿਮਿਤ੍ਤਂ ਤਸ੍ਮਾ [ਕਤ੍ਵਾ (ਪੋਤ੍ਥਕੇ)] ਏਵਂ ਦਿਟ੍ਠਿਕੋ ਹਿਚ੍ਚਾਦਿਨਾ ਯਥਾਵੁਤ੍ਤਂ ਸਮਤ੍ਥੇਤਿ.

ਬ੍ਯਵਹਿਤਜਨਿਤੇਨਾਪੀਤਿ ਬ੍ਯਵਹਿਤੇਨ ਕਤ੍ਤੁਨਾ ਜਨਿਤੇਨਾਪਿ, ਕਰਣੇ ਚਾਯਂ ਤਤਿਯਾ, ਹੇਤੁਮ੍ਹਿ ਵਾ. ਕਸ੍ਮਾ ਏਵਂ ਦਿਟ੍ਠਿਕੋਤਿ ਆਹ ‘ਯਂ ਨਿਮਿਤ੍ਤਂ ਹਿ’ਚ੍ਚਾਦਿ. ਹਿਸਦ੍ਦੋ ਯਸ੍ਮਾਦਤ੍ਥੇ. ਯਸ੍ਸਾਤਿ ਪੁਬ੍ਬਜਸ੍ਸ, ਤੇਨ ਅਪਚ੍ਚੇਨ ਅਪਤਨਂ ਤਦਪਤਨਂ ਤਤੋ, ਇਦਂ ਵੁਤ੍ਤਂ ਹੋਤਿ ‘‘ਤੇਨ ਬ੍ਯਵਹਿਤਜਨਿਤੇਨਾਪਿ ਪੁਮੁਨਾ ਪੁਬ੍ਬਜੋਪਿ ਨਰਕਂ ਨ ਪਤਤਿ ਸੋ ਪੁਬ੍ਬਜਸ੍ਸਾਪ੍ਯ ਪਚ੍ਚਂ ਭਵਤਿ ਯਥਾਵੁਤ੍ਤੇਨ ਨਿਬ੍ਬਚਨੇਨਾ’’ਤਿ. ਤਸ੍ਮਾਚ੍ਚਸ੍ਸ ਪੁਬ੍ਬੇ ਵੁਤ੍ਤਯਸ੍ਮਾਤ੍ਯਨੇਨਾਭਿਸਮ੍ਬਨ੍ਧੋ ਵੇਦਿਤਬ੍ਬੋ. ਉਪਪਤ੍ਯਨ੍ਤਰਮਾਹ-‘ਉਪਚਾਰਤੋਵੇ’ਚ੍ਚਾਦਿ. ਪੁਬ੍ਬ ਪੁਬ੍ਬਭਾਵੇ ਸਤੀਤਿ ਪੁਬ੍ਬਸ੍ਸ ਪੁਬ੍ਬਸ੍ਸ ਵਿਜ੍ਜਮਾਨਤ੍ਤੇ ਸਤਿ. ਬ੍ਯਵਹਿਤੇਨ ਜਨਿਤੇ ਅਪਚ੍ਚੇਪਿ ਨਿਮਿਤ੍ਤਂ ਅਪਾਯਾਪਤਕਾਰਣਭਾਵੋ ਅਤ੍ਥਿਯੇ ਵਾਤਿ ਸਮ੍ਬਨ੍ਧੋ. ਕੇਸਨ੍ਤਿ ਆਹ-‘ਪੁਬ੍ਬੇਸਨ੍ਤਿ ਪੁਬ੍ਬਜਾਨਨ੍ਤਿ ਅਤ੍ਥੋ, ਕੇ ਨਾਤਿ ਆਹ- ‘ਪਾਰਮ੍ਪਰਿਯੇਨਾ’ਤਿ. ਅਭੇਦੋਪਚਾਰੇਨਾਤਿ ਪੁਬ੍ਬਪੁਬ੍ਬਭਾਵੇ ਸਤਿਚ੍ਚਾਦਿਨਾ ਵੁਤ੍ਤਨਯੇਨ ਜਨਕਸ੍ਸ ਵਿਯ ਪਾਰਮ੍ਪਰਿਯੇਨਪੁਬ੍ਬੇਸਮ੍ਪਿਨਿਮਿਤ੍ਤਤਾ ਵਤੋ ਜਨਕਸਦਿਸਤ੍ਤਾ ਜਨਕਾਵ ਨਾਮ ਤੇ ਸਿਯੁਨ੍ਤਿ ਏਵਮਭੇਦੇਨ ਉਪਚਰਣਤੋ ਚਿਨ੍ਤਨਤੋਤਿ ਅਤ੍ਥੋ. ਉਭਯਥਾਤਿ ਞਾਯੇਨ ਉਪਚਾਰੇਨਚਾਤਿ ਉਭਯੇਨ ਪਕਾਰੇਨ, ਏਵਮੁਭਯਥਾਪਿ ਮੂਲਪ੍ਪਕਤਿਯਾ ਪਚ੍ਚੇਨਾਭਿਸਮ੍ਬਨ੍ਧਾ ਕਥਮਨਨ੍ਤਰ [ਮਨਨ੍ਤਰਾਦਿ (ਪੋਤ੍ਥਕੇ) (ਤਤ੍ਥ) ਪੋਤ੍ਥਕੇ] ਜਨਿਤੇਨਾਪਚ੍ਚੇਨਾਦਿਪੁਰਿਸਸਮ੍ਬਨ੍ਧੋਯੇਨ ਤਤੋ ਣਾਦਿਪ੍ਪਚ੍ਚਯੋ ਸਿਯਾਤਿ ਨਾਸਙ੍ਕ੍ਨੀਯਂ.

ਤਤੋ ਚਾਤਿ ਮੂਲਪ੍ਪਕਤਿਤੋ ਚ, ਅਪਚ੍ਚਸਾਮਞ੍ਞਵਚਨਿਚ੍ਛਾਯਨ੍ਤਿ ਇਤ੍ਥਿ ਪੁਨ੍ਨਪੁਂਸਕਤ੍ਤਵਿਸੇਸੋਪਗ੍ਗਾਹਿ ਅਪਚ੍ਚਸਾਮਞ੍ਞਸ੍ਸ ਵਚਨਿਚ੍ਛਾਯਂ.

ਏਵਮ੍ਮੂਲਕਤਿਤੋ- ਪਚ੍ਚਸਾਮਞ੍ਞੇਨ ਣਾਦਿਪ੍ਪਚ੍ਚਯਂ ਵਵਤ੍ਥਪੇਤ੍ਵਾ ਇਦਾਨਿ ਅਪਚ੍ਚਾਦਿਤੋਪਿ ਹੋਤੇਵ ਣਾਦਿ ਸਾਮਞ੍ਞਵਿਧਾਨਾ. ਸੋ ਚ ਬਹੁਲਾਧਿਕਾਰਤੋ ਗੁਰੁਜਨਾਯਤ੍ਤਤ੍ਤਾ ਤਨ੍ਨਿਯੋਗਾਚਰਣੇਨ ਪਸਤ੍ਥੇ ਯੇਵਾਪਚ੍ਚੇ ਬ੍ਯਵਹਿਤਜਨਿਤੇਪਿ ਇਤ੍ਥਿਵਜ੍ਜਿਤੇ ਸਿਯਾਤਿ ਦਸ੍ਸੇਤੁਮਾਹ ‘ਨਤ੍ਤਾਦੀਹਿ’ਚ੍ਚਾਦਿ. ਸਤਿਯੇਵ ਗੁਰੁਜਨੇ ਸਪ੍ਪਧਾਨਭਾਵੇਨ ਕੁਚ੍ਛਿਤੇ-ਪਚ੍ਚੇਤੁ ਨਤ੍ਤਾਦੀਵੁਤ੍ਤੀਹਿ ਵਸਿਟ੍ਠਾਦੀਹਿ ਣਾਦਿਪ੍ਪਚ੍ਚਯੋ ਹੋਤਿ ਵਾਸਿਟ੍ਠੋਤਿਆਦਿ, ਇਤ੍ਥਿਯਞ੍ਚ ਨ ਹੋਤਿ ਵਾਸਿਟ੍ਠੀਤਿਆਦਿ.

ਅਤ੍ਥਤੋਤਿ ਸਾਮਤ੍ਥਿਯਤੋ. ਅਪਚ੍ਚੇ ਵਿਧੀਯਮਾਨੋ ਪਚ੍ਚਯੋ ਅਪਚ੍ਚਵਤਾ ਜਾਯਮਾਨੋ ਤਸ੍ਸਾਪਚ੍ਚਨ੍ਤਿ ਅਤ੍ਥੇ ਜਾਯਤਿ. ਸੋਚਾਯ ਮਤ੍ਥਵਿਸੇਸੋ ਛ(ਟ੍ਠਿਯਨ੍ਤ) ਤਾਭਾਵੇ ਕਥਂ ਸਿਯਾਤਿ ਇਦਮੇਤ੍ਥ ਸਾਮਤ੍ਥਿਯਂ. ਅਨਨ੍ਤਰੇ ਵਾਪਚ੍ਚੇ ਪੁਤ੍ਤੇ-ਭਿਧੇਯ੍ਯ ਨਤ੍ਤਾਦੋ ਵਾਪਚ੍ਚੇ-ਭਿਧੇਯ੍ਯਾਤਿ ਸਸਮ੍ਬਨ੍ਧੋ. ਕੁਤੋਚਿ ਅਪਚ੍ਚਵਤਾ ਨਤ੍ਤਾਦੋ ਏਵ. ਇਦਞ੍ਚ ਸਬ੍ਬਮ੍ਬਹੁਲਵਚਨੇਵ ਸਮ੍ਪਜ੍ਜਤੀਤਿ ਆਹ- ‘ਬਹੁਲਾਧਿਕਾਰਾ’ਤਿ. ਅਪਚ੍ਚੇਤਿ ਏਕਵਚਨੇਨ ਨਿਦ੍ਦੇਸੇ ਪੁਮੁਨਾ ਨਪੁਂਸਕੇਨ ਕਰਿਯਤਿ, ਤੇਨੇ ਕਸ੍ਮਿਂ ਯੇਵਾਪਚ੍ਚੇ ਸਿਯਾ, ਨ ਬਹੂਸੁ ਵਸਿਟ੍ਠਸ੍ਸਾਪਚ੍ਚਾਨਿ ਵਾਸਿਟ੍ਠਾਨਿ, ਨ ਚਿਤ੍ਥਿ ਵਾਸਿਟ੍ਠਾਨਿ, ਨ ਚਿਤ੍ਥਿਯਂ ਵਾਸਿਟ੍ਠੀਤ੍ਯਾਸਙ੍ਕਿਯਾਹ-‘ਇਦਞ੍ਚੇ’ਚ੍ਚਾਦਿ. ਇਦਞ੍ਚ ਅਪਚ੍ਚਵਚਨਞ੍ਚ. ਇਮਿਨਾ ਚੇਤ੍ਥ ਤਥਾ ਨਿਸ੍ਸਯਕਰਣਂ ਦਸ੍ਸੇਤਿ. ਤਸ੍ਸ ਵਚਨਿਚ੍ਛਾਭਾਵਤੋਤਿ ਤਸ੍ਸ ਲਿਙ੍ਗਵਚਨਸ੍ਸ ਸੁਤ੍ਤੇ ਵਤ੍ਤੁਮਿਚ੍ਛਾਯਾਭਾਵਤੋਤਿ ਅਤ੍ਥੋ.

ਕਿਂ ਪਨ ਕਾਰਣਂ ਸੁਤ੍ਤੇ ਲਿਙ੍ਗਵਚਨਾਵਚਨਿਚ੍ਛਾਯਂ ਤਸ੍ਸਾਪ੍ਪਧਾਨਤ੍ਤਾ ਯੇਨਕੇਨਚਿ ਲਿਙ੍ਗਾਦਿਨਾ ਨਿਦ੍ਦੇਸੋ-ਵਸ੍ਸਂ ਕਤ੍ਤਬ੍ਬੋਤਿ ਨਾਨਨ੍ਤਰਿਯਕਤ੍ਤਾ ਤਸ੍ਸੇਹੋਪਾਦਾਨਂ, ਯਥਾਧਞ੍ਞਤ੍ਥਿਨੋਪਲਾਲਾਦਿਨੋਪ੍ਯਪ੍ਪਧਾਨਸ੍ਸੋਪਾਦਾਨਨ੍ਤਿ. ਤਤੋਯੇਵਾਹ-‘ਉਪਲਕ੍ਖੀਯਸ੍ਸੇਤ੍ਥ ਪਧਾਨਤ੍ਤਾ’ਚ੍ਚਾਦਿ. ਇਤ੍ਥਿਪੁਮਤ੍ਤਯੁਤ੍ਤਜਞ੍ਞਵਿਸੇਸੋ ਉਪਲਕ੍ਖੀਯੋ, ਅਪਚ੍ਚੇਤੀਦਮੁਪਲਕ੍ਖਣਂ, ਸਯਨ੍ਤਿ ਯਥਾਵੁਤ੍ਤਮੁਪਲਕ੍ਖਣਂ ਸਯਂ. ਕਾਰਿਯਪ੍ਪਟਿਪਤ੍ਤਿਯਾਤਿ ਪੁਮੇ ਨਪੁਂਸਕੇਪਚ੍ਚੇ-ਭਿਧੇਯ੍ਯੇ ਵਿਧਿ ਹੋਤਿਚ੍ਚੇਵਂ ਕਾਰਿਯਪ੍ਪਟਿਪਤ੍ਤਿਯਾ ਵਤ੍ਤੁਂ ਨ ਇਟ੍ਠਂ.

ਵਚਨਨ੍ਤਰੇਪਿ ਅਞ੍ਞਸ੍ਮਿਂ ਵਚਨੇ. ਆਣੀਤਿ ਣਿਪ੍ਪਚ੍ਚਯਸੁਤ੍ਤਂ ਵਦਤਿ. ਅਗੋਤ੍ਤਾਦਿਤੋਤਿ ਯੋਗੋਤ੍ਤਸ੍ਸਾਦਿਭੂਤੋ ਨ ਹੋਤਿ, ਤਤੋ, ਤੇਨੇਵ ‘‘ਆਣੀ’’ਤਿ ਸੁਤ੍ਤੇ (੪-੫) ਵਕ੍ਖਤਿ-‘ਅਕਾਰਨ੍ਤਮਤ੍ਤਤੋਵਾਯਂਣਿਨ ਗੋਤ੍ਤਾਦਿਭੂਤਤੋ’ਤਿ. ਵਾਕ੍ਯਸਮਾਸਾਪੀਤਿ ਯਥਾਸਙ੍ਖ੍ਯੇਨਾਹ. ਤਸ੍ਮਿਂ ਅਤ੍ਥੇਤਿ ਤਸ੍ਮਿਂ ਵਾਕ੍ਯੋਪਦਸ੍ਸਿਤੇ ਅਤ੍ਥੇ, ਤਨ੍ਤਿ ਵਾਕ੍ਯਂ. ਸਮਾਸਵੁਤ੍ਤਿਞ੍ਚ ਨਿਵਤ੍ਤੇਯ੍ਯੁਨ੍ਤਿ ਸਮ੍ਬਨ੍ਧੋ.

ਸਤਿਪਨਾਤਿ ਵਾਕਾਰੇ ਸਤਿ ਤੁ ਅਨਿਚ੍ਚਤ੍ਤਾ ਣਪ੍ਪਚ੍ਚਯਸ੍ਸ. ਸੋਪੀਤਿ ਸਮਾਸੋਪਿ, ਸਮਾਸੋਤਿਆਦਿਨਾ ਪਕ੍ਖਨ੍ਤਰਮਾਹ. ਤੇਨ ਵਾਕ੍ਯਸਿਜ੍ਝਨੇਨ. ਪਕ੍ਖੇ ਵਾਕ੍ਯਸਮਾਸਾਪਿ ਸਿਯੁਨ੍ਤਿ ਪਕ੍ਖੇ ਸਮਾਸਵੁਤ੍ਤਿਯਾ ਏਵ ਬਾਧਿਤਤ੍ਤਾ ਪਕ੍ਖਨ੍ਤਰੇ ਣਾਦਿਵੁਤ੍ਤਿ ਨ ਬਾਧੀਯਤੀਤਿ ਵਾਕ੍ਯਵੁਤ੍ਤਿਯੋਪਿ ਸਿਯੁਨ੍ਤਿ ਅਤ੍ਥੋ.