મહાસઙ્ગામં

વોહરન્તેન જાનિતબ્બાદિવણ્ણના

૩૬૮-૩૭૪. મહાસઙ્ગામે પાળિયં સઙ્ગામાવચરેનાતિ અનુવિજ્જકં સન્ધાય વુત્તં. વત્થૂતિ મેથુનાદિવીતિક્કમો. નિદાનન્તિ વેસાલિઆદિપઞ્ઞત્તિટ્ઠાનં. પુગ્ગલો અકારકો જાનિતબ્બોતિ એત્થ સઙ્ઘે વા ગણે વા પરિણાયકભૂતો પુગ્ગલોતિ દટ્ઠબ્બં.

૩૭૫. વિસ્સટ્ઠિસિક્ખાપદન્તિ નીલાદિદસન્નં સુક્કાનં મોચનવસેન વુત્તં સુક્કવિસ્સટ્ઠિસિક્ખાપદં. તઞ્હિ તેલાદિમન્દવણ્ણાનં નીલાદિપચુરવણ્ણાનં વસેન ‘‘વણ્ણાવણ્ણા’’તિ વુત્તં. પચુરત્થે હિ ઇધ અવણ્ણોતિ અ-કારો.

૩૭૯. યાવ અકનિટ્ઠબ્રહ્માનો દ્વિધા હોન્તીતિ એત્થ અવિહાદિસુદ્ધાવાસિકા અઞ્ઞભૂમીસુ અરિયા ધમ્મવાદીપક્ખં એવ ભજન્તિ, ઇતરે દુવિધમ્પીતિ દટ્ઠબ્બં.

વોહરન્તેન જાનિતબ્બાદિવણ્ણના નિટ્ઠિતા.