૯. ચમ્પેય્યક્ખન્ધકવણ્ણના

દ્વેનિસ્સારણાદિકથાવણ્ણના

૩૯૫. અપ્પત્તો નિસ્સારણન્તિ એત્થ નિસ્સારણં નામ કુલદૂસકાનંયેવ અનુઞ્ઞાતં, અયં પન કુલદૂસકો ન હોતિ, તસ્મા ‘‘અપ્પત્તો’’તિ વુત્તો. યદિ એવં કથં સુનિસ્સારિતો હોતીતિ? ચૂળવગ્ગે ‘‘આકઙ્ખમાનો સઙ્ઘો પબ્બાજનીયકમ્મં કરેય્યા’’તિ (ચૂળવ. ૨૭) વુત્તત્તા. ‘‘તસ્સપાપિયસિકકમ્મારહસ્સ તસ્સપાપિયસિકકમ્મં કરોન્તી’’તિ વચનતો ચક્કં બન્ધન્તિ ઞાતબ્બં.

ઉપાલિપુચ્છાકથાવણ્ણના

૪૦૦. ‘‘પરતોતિ ઉપાલિપુચ્છતો પર’’ન્તિ લિખિતં. દોસારિતપાળિયં ‘‘ઊનવીસતિવસ્સો ન આગતો વિપ્પન્નવત્થુકત્તા’’તિ વુત્તં. ઇમસ્મિં ચમ્પેય્યક્ખન્ધકે અધમ્મકમ્માનિયેવ દ્વિધા કત્વા પઞ્ચાગતાનીતિ વેદિતબ્બં. તેનેવ પરિવારે ઇમસ્મિં ખન્ધકે ‘‘પઞ્ચ અધમ્મિકાની’’તિ વુત્તં. ‘‘અન્ધમૂગબધિરો સોસારિતો’’તિ ઇમિના અપબ્બજિતસ્સપિ ઉપસમ્પદા રુહતીતિ સિદ્ધં.

ચમ્પેય્યક્ખન્ધકવણ્ણના નિટ્ઠિતા.