૧૦. કયવિક્કયસિક્ખાપદવણ્ણના

૫૯૩. પટપિલોતિકાનન્તિ પટપિલોતિકેહિ. ‘‘અજ્ઝાચરતિ, આપત્તિ દુક્કટસ્સા’’તિ ઇદં પુરિમસિક્ખાપદેપિ વેદિતબ્બં. ‘‘કયિતઞ્ચ હોતિ વિક્કયિતઞ્ચા’’તિ એતેસં પદાનં વિપરીતતો ‘‘અત્તનો ભણ્ડ’’ન્તિઆદિ વુત્તં. કસ્મા? ‘‘ઇમિના ઇમ’’ન્તિ વચનાનુરૂપતો. સદ્ધાદેય્યવિનિપાતનં પનેત્થ અટ્ઠાનપદાનં વસેન વેદિતબ્બં.

કયવિક્કયસિક્ખાપદવણ્ણના નિટ્ઠિતા.

નિટ્ઠિતો કોસિયવગ્ગો દુતિયો.