૧૬૯. હત્થિમંસાદિપટિક્ખેપકથા

૨૮૧. અરઞ્ઞકોકા નામાતિ સસબિળાલાદયો સત્તે ખાદનત્થાય કુકતિ આદદાતીતિ કોકો અરઞ્ઞે જાતો કોકો અરઞ્ઞકોકો, સુનખસદિસાતિ ગામસુનખેન સદિસા. તેસન્તિ અરઞ્ઞકોકાનં. યો પનાતિ સુનખો પન, ઉપ્પન્નોતિ સમ્બન્ધો. ગામસુનખિયાતિ સામ્યત્થે સામિવચનં. કોકેનાતિ સહાદિયોગે કરણવચનં. તાનિ પદાનિ ‘‘સંયોગેના’’તિ પદેન યોજેતબ્બાનિ. તસ્સાતિ સુનખસ્સ.

એત્થાતિ મનુસ્સમંસાદીસુ. સજાતિકતાયાતિ સમાનજાતિકભાવતો. અનુપદ્દવત્થાયાતિ અનુપદ્દવત્થં, પટિક્ખિત્તાનીતિ સમ્બન્ધો. આપત્તીતિ મનુસ્સમંસે થુલ્લચ્ચયેન, સેસે દુક્કટેન આપત્તિ. ઉદ્દિસ્સ કતં પનાતિ ભિક્ખું ઉદ્દિસ્સ કતમંસં પન.