૯. વિકપ્પનસિક્ખાપદવણ્ણના

સમ્મુખેન વિકપ્પના સમ્મુખવિકપ્પના. પરમ્મુખેન વિકપ્પના પરમ્મુખવિકપ્પના. સન્નિહિતાસન્નિહિતભાવન્તિ આસન્નદૂરભાવં. આસન્નદૂરભાવો ચ અધિટ્ઠાને વુત્તનયેનેવ વેદિતબ્બો.

મિત્તોતિ દળ્હમિત્તો. સન્દિટ્ઠોતિ દિટ્ઠમત્તો નાતિદળ્હમિત્તો. અકતપચ્ચુદ્ધારન્તિ ‘‘મય્હં સન્તકં પરિભુઞ્જ વા વિસ્સજ્જેહિ વા’’તિઆદિના અકતપચ્ચુદ્ધારં. યેન વિનયકમ્મં કતન્તિ યેન સદ્ધિં વિનયકમ્મં કતં.

પરિભોગેન કાયકમ્મં, અપચ્ચુદ્ધારાપનેન વચીકમ્મન્તિ આહ ‘‘સમુટ્ઠાનાદીનિ પઠમકથિનસદિસાનેવા’’તિ. કિરિયાકિરિયન્તિ એત્થ પરિભુઞ્જનં કિરિયં. અપચ્ચુદ્ધારાપનં અકિરિયં.

વિકપ્પનસિક્ખાપદવણ્ણના નિટ્ઠિતા.