૫. પઠમમહાપથવીસુત્તં

૧૧૨૫. ‘‘સેય્યથાપિ, ભિક્ખવે, પુરિસો મહાપથવિયા સત્ત કોલટ્ઠિમત્તિયો ગુળિકા ઉપનિક્ખિપેય્ય. તં કિં મઞ્ઞથ, ભિક્ખવે, કતમં નુ ખો બહુતરં – યા વા સત્ત કોલટ્ઠિમત્તિયો ગુળિકા ઉપનિક્ખિત્તા, અયં વા મહાપથવી’’તિ? ‘‘એતદેવ, ભન્તે, બહુતરં, યદિદં – મહાપથવી; અપ્પમત્તિકા સત્ત કોલટ્ઠિમત્તિયો ગુળિકા ઉપનિક્ખિત્તા. સઙ્ખમ્પિ ન ઉપેન્તિ, ઉપનિધમ્પિ ન ઉપેન્તિ, કલભાગમ્પિ ન ઉપેન્તિ મહાપથવિં ઉપનિધાય સત્ત કોલટ્ઠિમત્તિયો ગુળિકા ઉપનિક્ખિત્તા’’તિ. ‘‘એવમેવ ખો, ભિક્ખવે, અરિયસાવકસ્સ…પે… યોગો કરણીયો’’તિ. પઞ્ચમં.