૧૧. અરણસુત્તં

૮૧. ‘‘કેસૂધ અરણા લોકે, કેસં વુસિતં ન નસ્સતિ;

કેધ ઇચ્છં પરિજાનન્તિ, કેસં ભોજિસ્સિયં સદા.

‘‘કિંસુ માતા પિતા ભાતા, વન્દન્તિ નં પતિટ્ઠિતં;

કિંસુ ઇધ જાતિહીનં, અભિવાદેન્તિ ખત્તિયા’’તિ.

‘‘સમણીધ અરણા લોકે, સમણાનં વુસિતં ન નસ્સતિ;

સમણા ઇચ્છં પરિજાનન્તિ, સમણાનં ભોજિસ્સિયં સદા.

‘‘સમણં માતા પિતા ભાતા, વન્દન્તિ નં પતિટ્ઠિતં;

સમણીધ જાતિહીનં, અભિવાદેન્તિ ખત્તિયા’’તિ.

છેત્વાવગ્ગો અટ્ઠમો.

તસ્સુદ્દાનં –

છેત્વા રથઞ્ચ ચિત્તઞ્ચ, વુટ્ઠિ ભીતા નજીરતિ;

ઇસ્સરં કામં પાથેય્યં, પજ્જોતો અરણેન ચાતિ.

દેવતાસંયુત્તં સમત્તં.