૫. અન

અઞ્ઞપદત્થવુત્તિયાતિ વુત્તમઞ્ઞપદત્થં દસ્સેતિ ‘વક્ખમાનલક્ખણો’ચ્ચાદિના. વક્ખમાનલક્ખણોતિવુત્તિકારેન ‘‘આઞાય્યા’’ચ્ચાદિના વક્ખમાનલક્ખણો. અન્તોકત્વાતિ ઇમિના આસદ્દસ્સાભિવિધિમ્હિ પવત્તિમાહ. અહરુભયતડ્ઢરત્તં વાતિ એત્થ વાસદ્દો પક્ખન્તરે. અડ્ઢરત્તસદ્દેન રત્તિયા ચતુત્થો ભાગો-ત્ર વત્તુમિટ્ઠો, અહો ચ તસ્સ અડ્ઢરત્તઞ્ચાતિ અત્થો. ઇમસ્સાધિપ્પાયત્થમાહ- ‘અતીતેચ્ચાદિ. ઉભયત્થ અધિપ્પાયં વિવરતિ‘અય’મિચ્ચાદિના. પઞ્ચયામોતિ અતીતાય રત્તિયા પચ્છિમપઞ્ચચત્તાલીસવિનાડિકાધિકઘટિકાત્તયં અનાગતાય પુરિમપઞ્ચચત્તાલીસવિનાડિકાધિકઘટિકત્થયઞ્ચેતિ અડ્ઢાધિકસત્તઘટિકાપરિમાણો એકો યામો અહસ્સ ચત્તારોતિ પઞ્ચ યામા પહારા અસ્સાતિ પઞ્ચયામો.

ગતાયપચ્છિમો યામો, પચ્છિમદ્ધમિમસ્સ વા;

પહારો-નાગતાયાદી, તદદ્ધમપિ વા તથા.

વુત્તકાલાવધિ મજ્ઝો, કાલો સો-જ્જતનો મતો;

તન્નિસેધેન યોત્વઞ્ઞો, સો-નજ્જતનો મતો.

અગમત્થાતિઆદીસુ અઈસ્સઆદીનં સમ્બન્ધિબ્યઞ્જનસ્સાભાવા ન ઇઞ. બ્યામિસ્સેપીતિ અજ્જતનમિસ્સેપિ ભૂતે. નઞ્સમાસનિસ્સયે બ્યામિસ્સે યથા પપ્પોતીતિ દસ્સેન્તો આહ- ‘પરિયુદાસેતાવે’ચ્ચાદિ.

અજ્જતનનિસ્સયોતિ બ્યામિસ્સે અજ્જતનભાગીનિસ્સયો. અત્થુતિ પઞ્હે તુ તદઞ્ઞનિસ્સયોતિ બ્યામિસ્સેયેવ તતો અજ્જતનતો ઇતરાનજ્જતન નિસ્સયો અઞ્ઞત્રાતિ બ્યામિસ્સતો અઞ્ઞત્ર ભૂતકાલે. પસઙ્ગોતિ આ ઞુઆદીનં પસઙ્ગો. અજ્જહિય્યોવાતિ બ્યામિસ્સતાદસ્સનત્થં વુત્તં.