૬૦. આહા

આધારેચેતિ અનુવુત્તિયા એત્થ ચકારતો ‘યથાપત્તઞ્ચે’તિ સમ્બન્ધા વુત્તન્તિ સેસો. એવં ન કુતોચિ અપકસ્સનં સિયાતિ એવમાધારાદિકે અનુવત્તમાને સતિ કુતોચિ આધારાદિતો અપકસ્સનં વિસું કરણં ન સિયાતિ અત્થો. તથા સતિ હેટ્ઠા સુત્તેનેકયોગમેવ કરેય્યાતિ અધિપ્પાયો. ભાવકમ્મેસૂતિ સમ્બજ્ઝતેતિ યોજના.

બહુલસ્સ ભાવો કમ્મંવાતિ બહ્વત્થાદાનમેવાત્ર બહુલસદ્દસ્સ પવત્તિનિમિત્તં ભાવો કમ્મંચેતિ તત્થ પચ્ચયો. કેચીતિ પાણિનિયે યેવ સન્ધાયાહ. તસ્સાપિ ભૂતેયેવ પવત્તિમુપદિસતિ ‘સોપિ’ચ્ચાદિ

ના. ભિજ્જમાનન્તિ પચ્ચમાનં. પરરૂપેન પસ્સિન્નોતિ યોજના. કેચિતિ તેયેવ. ‘‘મતિબુદ્ધિપૂજત્થેહિ ચે’’તિ (૩-૨-૧૮૮) તેસં સુત્તે ચસદ્દાકડ્ઢિતે દસ્સેતિ ‘યથા’તિઆદિના. અક્કોચ્છિ તન્તિ કમ્મે વિગ્ગહમાહ, તન્તિ કમ્મપદં, એવમુપરિપિ ચુરાદિણિલોપે ‘‘નિમિત્તાભાવે નેમિત્તિકસ્સાપ્યભાવો’’ત્યાકારનિવત્તિ. કસિરયં ગત્યાદ્યને કત્થો, કટ્ઠંત્યત્ર કિમત્થોતિ આહ- ‘એત્થ હિંસત્થો’તિ.

હેતુનોતિ દુક્ખફલસ્સ હેતુનો અગ્યાદિનો. કટ્ઠસદ્દસ્સ ફલહેતુભૂતે અગ્યાદિકે વત્તમાને એવં હોતુ ફલેવત્તમાને કથન્તિ આહ- ‘યદાપના’તિઆદિ. કોધાતિકો ઇધ.