૪૪. વન

ઠાનિનમાસિલિસ્સ ગચ્છતિ પવત્તતીતિ આગમો નામ, કો-યમેત્થ ઠાનીતિ આહ-‘સરસ્સાતિ, સુત્તે અનુવત્તસ્સ ચ અવિજ્જમાનત્તા ‘સરસ્સા’તિ કુતો લબ્ભતીતિ ચોદેતિ ‘નનુ ચે’ત્યાદિના. આગમસુતિયા વનાદીનં ઠાનિસુતિયા અભાવેપિ સામત્થિયા બ્યઞ્જનસ્સ વા આગમો સિયા સરસ્સ વા, યદિ બ્યઞ્જનસ્સ વા સિયા (ન) ‘‘પદાદીનં ક્વચી’’તિ (૫-૯૨) સુત્તિત માચરિયેન, તસ્મા તદેવ ઞાપેતિ ‘સરો યેવેત્થ ઠાની ભવિતુમરહતી’તિ. વુચ્ચતેચ્ચાદિના પરિહારમાહ, નિપુબ્બા પદિસ્મા અનપ્પચ્ચયે ‘‘પદાદીનં ક્વચી’’તિ યુકઅન્તાવયવો ‘‘તવગ્ગવરના’’દિના (૧-૪૮) યે દસ્સ જો ‘‘વગ્ગલ સેહિતે’’તિ (૧-૪૯) (યસ્સ જો) નિપજ્જનં, માનન્તત્યાદીસૂતિ અધિકારાતિ ‘‘ક્યો ભાવકમ્મેસ્વપરોક્ખેસુ માનન્તત્યાદીસૂ’’તિ (૫-૧૭) ઇતો માનન્તત્યાદીસુતિ અધિકારા, પચ્ચયન્તરેતિ માનન્તત્યાદીતો અઞ્ઞસ્મિં પચ્ચયે, કચ્ચાયનેન ‘અતિપ્પગોખોતાવા’તિ સાધનત્થં ‘‘ક્વચિ ઓ બ્યઞ્જને’’તિ ઓકારાગમો ગકારાગમો ચ સુત્તન્તરેન વિહિતો, તં પકારન્તરેન સાધેતું વુત્તિયં-‘અતિપ્પગો ખો તાવા’તિ યં વુત્તં તં દસ્સેતું ‘અતિપ્પા’તિઆદિ વુત્તં.