२७६. कुरुधम्मजातकं (३-३-६)

७६. तव सद्धञ्च सीलञ्च, विदित्वान जनाधिप;

वण्णं अञ्जनवण्णेन, कालिङ्गस्मिं निमिम्हसे [विनिम्हसे (स्या.), वनिम्हसे (क.)].

७७. अन्नभच्चा चभच्चा च, योध उद्दिस्स गच्छति;

सब्बे ते अप्पटिक्खिप्पा, पुब्बाचरियवचो इदं.

७८. ददामि वो ब्राह्मणा नागमेतं, राजारहं राजभोग्गं यसस्सिनं;

अलङ्कतं हेमजालाभिछन्नं, ससारथिं गच्छथ येन कामन्ति.

कुरुधम्मजातकं [कुरुधम्मजातकं (सी. स्या. पी.)] छट्ठं.