२३०. दुतियपलायितजातकं (२-८-१०)

१५९. धजमपरिमितं अनन्तपारं, दुप्पसहंधङ्केहि सागरंव [सागरमिव (सी. स्या. पी.)];

गिरिमिवअनिलेन दुप्पसय्हो [दुप्पसहो (सी. पी. क.)], दुप्पसहो अहमज्जतादिसेन.

१६०. मा बालियं विलपि [विप्पलपि (बहूसु)] न हिस्स तादिसं, विडय्हसे [विळय्हसे (सी. पी.)] न हि लभसे निसेधकं;

आसज्जसि गजमिव एकचारिनं, यो तं पदा नळमिव पोथयिस्सतीति.

दुतियपलायितजातकं दसमं.

कासाववग्गो अट्ठमो.

तस्सुद्दानं –

वरवत्थवचो दुमखीणफलं, चतुरोधम्मवरं पुरिसुत्तम;

धङ्कमगधा च तयोगिरिनाम, गजग्गवरो धजवरेन दसाति.