२-४. बलादिवारत्तयवण्णना

२४-२७. इन्द्रियवारे वुत्तनयेनेव बलवारोपि वेदितब्बो. बोज्झङ्गमग्गङ्गवारा परियायेन वुत्ता, न यथालक्खणवसेन. मग्गङ्गवारे सम्मावाचाकम्मन्ताजीवा मेत्ताय पुब्बभागवसेन वुत्ता, न अप्पनावसेन. न हि एते मेत्ताय सह भवन्ति. सब्बेसं पाणानन्तिआदीनं सेसवारानम्पि सत्तवारे वुत्तनयेनेव अत्थो वेदितब्बो. मेत्ताभावनाविधानं पन विसुद्धिमग्गतो (विसुद्धि. १.२४० आदयो) गहेतब्बन्ति.

मेत्ताकथावण्णना निट्ठिता.