9. пан̣ӣтабходжанасиккха̄падаван̣н̣ана̄

259. акаппийасаппина̄ти йесам̣ мам̣сам̣ на каппати, тесам̣ саппина̄. ‘‘васа̄телан̃хи т̣хапетва̄ акаппийасаппи на̄ма наттхӣ’’ти ликхитам̣. висан̇кетанти еттха ‘‘сӯподанавин̃н̃аттипи на хотӣ’’ти вуттам̣. ка̄йика̄нӣти ка̄йена а̄паджджитабба̄ни.

261. маха̄на̄масиккха̄падена ка̄ретабботи сан̇гхавасена пава̄рите бхесаджджаттха̄йа саппиа̄дипан̃чакам̣ вин̃н̃а̄пети че, таттха ‘‘на бхесаджджена каран̣ӣйена бхесаджджа’’нти еттха сан̇гахам̣ гаччхати, тасма̄ ‘‘тена па̄читтийа’’нти вуттам̣. па̄л̣имуттакесу ‘‘бхиккхунӣнампи дуккат̣а’’нти ликхитам̣.

пан̣ӣтабходжанасиккха̄падаван̣н̣ана̄ нит̣т̣хита̄.