10. дантапонасиккха̄падаван̣н̣ана̄

264-5. мукхадва̄ранти кан̣т̣хана̄л̣и. учча̄ран̣аматтанти уккхипитаббаматтакам̣. касат̣ам̣ чхад̣д̣етва̄ти самуда̄ча̄равасена, ачхад̣д̣итепи ‘‘ват̣т̣атӣ’’ти вуттам̣. хаттхапа̄са̄тиккаманти да̄йакасса. бхиккхусса детӣти ан̃н̃асса бхиккхусса. кан̃джиканти йам̣ кин̃чи дравам̣. патто пат̣иггахетабботи бхӯмийам̣ т̣хапите абхиха̄ра̄бха̄вато. ‘‘йатха̄ пат̣хаматарам̣ патитатхеве досо наттхи, татха̄ а̄киритва̄ апанента̄нам̣ патитатхевепи абхихат̣атта̄ неваттхи досо’’ти ликхитам̣. чарукена̄ти кхуддакапин̣д̣ена. джа̄гарантассапӣти ‘‘апи-саддена суттассапӣ’’ти ликхитам̣. кечӣти абхайагирива̄сино. техи ка̄йасам̣сагге ка̄йапат̣ибаддхена̄пи таппат̣ибаддхена̄пи тхуллаччайа̄патти дассита̄ ева̄ти аттхо. ка̄йапат̣ибаддхапат̣ибаддхена̄ти вачанаматтамеветам̣. ‘‘саттхакена̄ти пат̣иггахитакена̄’’ти ликхитам̣, там̣ дулликхитам̣ сатипи мале пуна пат̣иггахетаббакичча̄бха̄вато. кесан̃чи аттха̄йа̄ти анупасампанна̄нам̣ аттха̄йа. ‘‘са̄ман̣ерасса хаттхам̣ пхут̣т̣хаматтамева там̣ париччатта’’нти ликхитам̣.

пат̣иггахан̣упагабха̄рам̣ на̄ма маджджхимапурисена уккхипитаббакам̣. мӯлапат̣иггахан̣амева ват̣т̣атӣти еттха ‘‘маччхикава̄ран̣аттханти вуттатта̄ ‘абхун̃джанаттха̄йа̄пи пат̣иггахетва̄ гахите ват̣т̣атӣ’’’ти йе ваданти, те ваттабба̄ ‘‘сӣсамаккханателам̣ пат̣иггахетва̄ ‘идам̣ сӣсамаккхана’нти ана̄бхогенева сатта̄хам̣ атикка̄ментасса ким̣ ниссаггийам̣ бхавеййа̄’’тиа̄ди, сутта̄дхиппа̄йо пана евам̣ гахетаббо ‘‘маччхикава̄ран̣аттхам̣ бӣджантасса тасмим̣ лаггараджа̄димхи патте патите сукхам̣ парибхун̃джитум̣ сакка̄’ти сан̃н̃а̄йа пуббе пат̣иггахитабба’’нти вуттам̣. париваттанакатха̄йам̣ ‘‘амха̄кам̣ тан̣д̣улесу кхӣн̣есу етехи амха̄кам̣ хаттхагатехи са̄ман̣ерасантакехипи сакка̄ патит̣т̣хапету’нти бхиккхӯнам̣ читтуппа̄до че самбхавати, ‘париваттанам̣ са̄ттхака’нти упатиссаттхеро’’ти вуттам̣. йади евам̣ суддхачитта̄нам̣ нираттхаканти а̄паннамева, татха̄ ‘‘пан̣д̣ито еса са̄ман̣еро паттапариваттанам̣ катва̄ дассати, майамева ча имасса висса̄сена ва̄ йа̄читва̄ ва̄ бхун̃джисса̄ма̄’’ти читте сати бхун̃джитум̣ на ват̣т̣ати катепи париваттанети ча а̄паннам̣, ким̣ бахуна̄. нирапеккхехева ган̣хитаббам̣, на са̄пеккхехӣти дассанаттхам̣ вуттанти а̄чарийо. айамеваттхо ‘‘саче пана саккоти витаккам̣ содхетум̣, тато ладдхам̣ кха̄дитумпи ват̣т̣атӣ’’ти вачанена сиддхова. а̄дха̄раке патто т̣хапито хоти йатха̄пат̣иггахитабха̄ве нира̄лайо. самуддодакена аппат̣иггахитакена. мен̣д̣акасса кхӣрам̣ кхӣратта̄ва ват̣т̣ати. ‘‘аттано пана кхӣрам̣ мукхенева пивантасса ана̄паттӣти дассетум̣ вутта’’нти вуттам̣. ‘‘сарӣранисситамаха̄бхӯта̄ни хи идха̄дхиппета̄нӣ’’ти ликхитам̣, тадубхайампи ‘‘каппийамам̣сакхӣрам̣ ва̄’’тиа̄дина̄ найена вируджджхати.

апича ‘‘аппат̣иггахитабха̄джане ан̃н̃абхиккхусантаке аттано пин̣д̣апа̄там̣ паккхипати, ‘там̣ тхока’нти ва̄ ан̃н̃ена ва̄ ка̄ран̣ена вадати, там̣ саббесам̣ на каппати. касма̄? винайадуккат̣атта̄. аттана̄ пат̣иггахетва̄ паккхипитаббам̣ винайавидхим̣ акатва̄ дуккат̣анти адхиппа̄йо. евам̣ та̄дисам̣ киматтхам̣ на бхун̃джатӣти? ат̣т̣хакатха̄йам̣ ‘уггахитако хотӣ’ти вуттатта̄. еван̃хи таттха вуттам̣ бхӯмийам̣ ва̄ бха̄джане ва̄ пхалам̣ ва̄ йам̣ кин̃чи а̄мисам̣ ва̄ йа̄ваджӣвикампи аппат̣иггахитакам̣ аджа̄нанто а̄масати, на ват̣т̣ати, уггахитакам̣ хотӣ’’ти ануган̣т̣хипаде вуттам̣, тасма̄ имасса матена бхиккху бхиккхусса саче патте аппат̣иггахите пин̣д̣ам̣ т̣хапети, там̣ акаппийам̣ уггахитаканти сиддхам̣. айамеваттхо ‘‘саче аттано ва̄ бхиккхӯнам̣ ва̄ йа̄гупачанакабха̄джане…пе… нира̄мисам̣ катва̄ парибхун̃джитабба’’нти вачанена сам̣сандитва̄ катхетаббо. ‘‘каппийамам̣сакхӣрам̣ ва̄’’ти пасан̇гавасена вуттам̣. дадхи че пат̣иладдхам̣, тан̃ча адхиппетанти кечи.

дантапонасиккха̄падаван̣н̣ана̄ нит̣т̣хита̄.

саматто ван̣н̣ана̄ккамена бходжанавагго чатуттхо.