3. уджджха̄панакасиккха̄падаван̣н̣ана̄

103. ‘‘чханда̄йа̄’’ти аккхараккхара̄йа̄тиа̄ди вийа лин̇гавипалла̄сена вуттам̣, чхандаттханти ва̄ аттхо. йесам̣ сена̄сана̄ни пан̃н̃апети, тесам̣ аттани чхандаттханти адхиппа̄йо.

106. анупасампаннантиа̄дӣсу каран̣аттхо гахетаббо. ан̃н̃ам̣ анупасампаннанти ан̃н̃ена анупасампаннена. тасса ва̄ти анупасампаннасса. ‘‘саммутика̄ле пан̃чан̇гавираха̄дайо асаммата̄ на̄ма̄’’ти, ‘‘упасампаннена ладдхасаммути сиккха̄паччаккха̄нена винассатӣ’’ти ча вуттам̣. сан̇гхена̄ти саббена сан̇гхена каммава̄ча̄йа асса̄ветва̄ ‘‘тавесо бха̄ро’’ти кевалам̣ а̄ропитабха̄ро. кевала-саддо хеттха каммава̄ча̄йа асса̄витабха̄ваматтамева дӣпети. сайамева̄ти итаресам̣ бхиккхӯнам̣ ануматийа̄. абхӯтена кхӣйанакасса а̄дикаммикасса катхам̣ ана̄паттӣти че? имина̄ сиккха̄падена. муса̄ва̄де а̄паттийева две па̄читтийо вутта̄ вийа диссанти пуббапайоге руккха̄дичхиндана̄дӣсу вийа, вича̄ретаббам̣.

уджджха̄панакасиккха̄падаван̣н̣ана̄ нит̣т̣хита̄.