2. ан̃н̃ава̄дакасиккха̄падаван̣н̣ана̄

98-9. ан̃н̃ам̣ вадатӣти ан̃н̃ава̄дакам̣, ‘‘вачанам̣ кареййа̄’’ти ликхитам̣. ‘‘тун̣хӣбхӯтассетам̣ на̄ма’’нти па̄т̣хо. уггха̄тетука̄моти самоханитука̄мо, антара̄йам̣ каттука̄моти пора̄н̣а̄.

100. ‘‘судит̣т̣хо бханте, на панесо каха̄пан̣отиа̄дӣсу ана̄ропите дуккат̣ена муса̄ва̄дапа̄читтийам̣, аропите па̄читтийадвайам̣ хотӣ’’ти ваданти, вӣмам̣ситаббам̣.

102. адхаммена ва̄ ваггена ва̄ на камма̄рахасса ва̄ти еттха ‘‘майи вутте мам̣ ва̄ ан̃н̃ам̣ ва̄ сан̇гхо адхаммена ва̄ каммам̣, ваггена ва̄ каммам̣ кариссати, на камма̄рахасса ва̄ ме, ан̃н̃асса ва̄ каммам̣ кариссатӣ’’ти на катхетӣти йоджетаббам̣.

ан̃н̃ава̄дакасиккха̄падаван̣н̣ана̄ нит̣т̣хита̄.