3. песун̃н̃асиккха̄падаван̣н̣ана̄

36-7. ‘‘имасса сутва̄ амусса̄’’ти па̄т̣хо. ‘‘имесам̣ сутва̄’’ти на сундарам̣. бхеда̄йапӣти бхеда̄йа. тин̣н̣ампи бхиккхубха̄ватойева нипаджджанато ‘‘бхиккхӯнам̣ песун̃н̃е’’ти бахувачанам̣ катам̣.

38-9. ‘‘иттханна̄мо а̄йасма̄ чан̣д̣а̄ло…пе… пуккусоти бхан̣атӣ’’ти ватва̄ песун̃н̃ам̣ упасам̣харатӣти йоджана̄. ан̃н̃атха̄ ‘‘пуккусоти бхан̣атӣ’’ти ваттаббата̄ а̄паджджати. еттха анупасампаннава̄ро лаббхама̄нопи на уддхат̣о омасава̄де дасситанайатта̄, сан̇кхепато анте дассетука̄мата̄йа ва̄. татха̄ хи анте тӣн̣и дуккат̣а̄ни дассита̄ни. та̄ни пана дассенто бхагава̄ йасма̄ ‘‘упасампаннасса сутва̄ упасампаннасса песун̃н̃ам̣ упасам̣харатӣ’’ти вутта̄нам̣ двиннам̣ пада̄нам̣ ан̃н̃атаравипалла̄савасена ва̄ убхайавипалла̄савасена ва̄ па̄читтийанти катва̄ двепи та̄ни екато вутта̄нӣти дассетука̄мо, тасма̄ саббапат̣хамам̣йева ‘‘упасампанно упасампаннасса сутва̄ упасампаннасса песун̃н̃ам̣ упасам̣харати, а̄патти па̄читтийасса̄’’ти а̄ха. ‘‘двӣсу панетесу йасма̄ па̄ра̄джикам̣ аджджха̄паннопи упасампанно та̄дисам̣йева упасампаннам̣ кхум̣сетука̄мо омасати, та̄дисасса сутва̄ та̄дисасса песун̃н̃ам̣ упасам̣харати, а̄патти па̄читтийасса, тасма̄ ‘упасампанно’ти идам̣ а̄дипадам̣ саббаттха вутта’’нти кечи ваданти, там̣ на йуттам̣, анавасесаа̄паттим̣ а̄паннасса пуна а̄паттийа̄ асамбхавато, тасма̄ кевалам̣ ма̄тика̄йам̣ бхиккхупада̄бха̄ватойева ‘‘бхан̣ати упасам̣харатӣ’’ти пада̄нам̣ ка̄раканиддеса̄бха̄ве асамбхавато ева там̣ а̄дипадам̣ вуттанти ведитаббам̣. идам̣ па̄л̣илеса̄бха̄вато ана̄н̣аттикамева. ‘‘на пийакамйасса, на бхеда̄дхиппа̄йасса̄’’ти упасам̣харан̣а̄пеккхам̣ са̄мивачанам̣ тун̣хӣбхӯтасса вачанаппайоджана̄бха̄вато, тена вуттам̣ ‘‘па̄пагарахита̄йа бхан̣антасса ана̄паттӣ’’ти.

песун̃н̃асиккха̄падаван̣н̣ана̄ нит̣т̣хита̄.