3. кхамбхакатаваггаван̣н̣ана̄

604. сӯпо паттаппама̄н̣аван̣н̣ана̄йам̣ вутта̄ка̄ро. олон̣ӣ вуччати кудхитам̣, горасато пӯра̄ тхӯпитоти аттхо.

605. хет̣т̣ха̄ орохатӣти еттха ‘‘ороханаппама̄н̣е сати екадесе тхӯпӣкатепи ана̄паттӣ’’ти ваданти. ‘‘паттасса пана хет̣т̣ха̄ ча упари ча падуминипан̣н̣а̄дӣхи пат̣иччха̄детва̄ одахантийа̄ ладдхам̣ на̄ма ват̣т̣атӣ’’ти ча ваданти. еттха ‘‘йасма̄ ‘саматиттико пин̣д̣апа̄то пат̣иггахетаббо’ти вачанам̣ пин̣д̣апа̄то самапун̣н̣о пат̣иггахетабботи дӣпети, тасма̄ аттано хаттхагате патте пин̣д̣апа̄то диййама̄но тхӯпӣкатопи че хоти, ват̣т̣атӣти дӣпети. ‘тхӯпӣкатам̣ пин̣д̣апа̄там̣ пат̣игган̣ха̄ти, а̄патти дуккат̣асса̄’ти хи вачанам̣ пат̣хамам̣ тхӯпӣкатам̣ пин̣д̣апа̄там̣ паччха̄ пат̣игган̣хато, а̄паттӣти дӣпети. паттена пат̣игган̣хато чепи тхӯпӣкатам̣ хоти, ват̣т̣ати атхӯпӣкатасса пат̣иггахитатта̄. пайого пана наттхи ан̃н̃атра пуббадеса̄’’ти ча ‘‘саматиттиканти ва̄ бха̄ванапум̣сака’’нти ча ваданти, тасма̄ вича̄ретва̄ гахетаббам̣.

кхамбхакатаваггаван̣н̣ана̄ нит̣т̣хита̄.