4. саккаччаваггаван̣н̣ана̄

609. сӯподанавин̃н̃аттисиккха̄паде ‘‘сӯпо на̄ма две сӯпа̄’’ти на вуттам̣ сӯпаггахан̣ена пан̣ӣтабходжанехи авасеса̄нам̣ саббабходжана̄нам̣ сан̇ган̣ханаттхам̣. ана̄паттива̄ре часса ‘‘н̃а̄така̄нам̣ пава̄рита̄нам̣ ан̃н̃ассаттха̄йа аттано дханена̄’’ти идам̣ адхикам̣. каттхачи поттхаке ‘‘ана̄патти асан̃чичча асатийа̄ аджа̄нантасса гила̄насса а̄пада̄сӯ’’ти еттакамева вуттам̣, там̣ на, ‘‘самасӯпакам̣ пин̣д̣апа̄там̣ бхун̃джисса̄мӣ’’ти имасса ана̄паттива̄ре ‘‘ан̃н̃ассаттха̄йа̄’’ти каттхачи ликхитам̣, тан̃ча пама̄давасена ликхитам̣. ‘‘мукхе паккхипитва̄ пуна виппат̣иса̄рӣ хутва̄ огилитука̄массапи сахаса̄ че пависати, еттха ‘асан̃чичча̄’ти вуччати. вин̃н̃аттампи авин̃н̃аттампи екасмим̣ т̣ха̄не т̣хитам̣ сахаса̄ анупадха̄ретва̄ гахетва̄ бхун̃джанто ‘асатийа̄’ти вуччатӣ’’ти ликхитам̣, ана̄паттива̄ре екаччесу поттхакесу ‘‘расарасети ликхитам̣, там̣ гахетабба’’нти вуттам̣.

саккаччаваггаван̣н̣ана̄ нит̣т̣хита̄.