2. сукхасуттаван̣н̣ана̄

250. дуккхам̣ на хотӣти адуккхам̣, сукхам̣ на хотӣти асукхам̣, ма-ка̄ро падасандхикаро. адуккхамасукханти ведайитасадда̄пеккха̄йа напум̣саканиддесо. сапарасанта̄нагате сандха̄йа аджджхаттабахиддха̄гахан̣анти а̄ха ‘‘аттано ча парасса ча̄’’ти. тена саббампи ведайитам̣ гахитанти дат̣т̣хаббам̣. нассанасабха̄ванти иттаракхан̣ата̄йа бхан̇гато уддхам̣ апасситаббасабха̄вам̣. палоко бхедо етасса аттхӣти палокинам̣. тена̄ха ‘‘бхиджджанасабха̄ва’’нти. н̃а̄н̣ена пхуситва̄ пхуситва̄ти пуббабха̄ге випассана̄н̃а̄н̣ена аничча̄ пабхан̇гуноти а̄рамман̣ато, уттарака̄лам̣ асаммохато маггапарампара̄йа пхуситва̄ пхуситва̄ вайам̣ пассанто. вираджджатӣти маггавира̄гена вираджджати. саммасанача̄раведана̄ катхита̄ а̄раддхавипассака̄нам̣ васена десана̄ти. локийалокуттарехи н̃а̄н̣ехи йа̄тха̄вато париджа̄нанам̣ пат̣ивиджджханам̣ н̃а̄н̣апхусанам̣.

сукхасуттаван̣н̣ана̄ нит̣т̣хита̄.