1. самбахуласуттаван̣н̣ана̄

157. джат̣а̄чумбат̣акена̄ти сӣсе пат̣имуккена джат̣а̄кала̄пена. апариггахабра̄хман̣апаббаджита̄ хи джат̣а̄йа ун̃чха̄чарийам̣ чаранти. удумбарадан̣д̣ан̃хи аттагуттаттха̄йа гахитам̣ тесам̣ аппиччхабха̄ваппака̄санам̣. тена̄ха ‘‘аппиччхабха̄ваппака̄санаттха’’нти. сӣсам̣ окампетва̄ти еттха ативийа сӣсасса окампитабха̄вам̣ дассетум̣ ‘‘ханукена урам̣ пахаранто адхонатам̣ катва̄’’ти вуттам̣. дживхам̣ нӣхаритва̄ти ламбанача̄ланавасена мукхато никкха̄метва̄. тена̄ха ‘‘уддха’’нтиа̄ди. тиса̄кханти тибхан̇габхакут̣и вийа нала̄т̣е джа̄татта̄ нала̄т̣икам̣. тена̄ха ‘‘нала̄т̣е ут̣т̣хитам̣ валиттайа’’нти, тибхан̇гаваликам̣ нала̄т̣е катва̄ти аттхо. аттанова телети аттанова па̄пакамманиббаттаке теле, пачитаббат̣т̣ха̄нагехети адхиппа̄йо.

самбахуласуттаван̣н̣ана̄ нит̣т̣хита̄.