2. самиддхисуттаван̣н̣ана̄

158. майхам̣ ла̄бха̄ти еварӯпасса на̄ма самма̄самбуддхасса саттхусса пат̣ила̄бхо, еварӯпасса ча на̄ма ниййа̄никасса саддхаммасса пат̣ила̄бхо, еварӯпа̄нан̃ча суппат̣ипанна̄нам̣ сабрахмача̄рӣнам̣ пат̣ила̄бхо, ете майхам̣ суладдхала̄бха̄. майхам̣ суладдханти йан̃четам̣ мама ниййа̄никаса̄сане паббаджджа̄ упасампада̄, тасмин̃ча абхиратӣти саббан̃четам̣ майа̄ суладдхам̣. йатха̄ панасса евам̣ четасо паривитакко уппанно, там̣ дассетум̣ ‘‘со кира̄’’тиа̄ди вуттам̣. чарита̄нурӯпавасена гахитам̣ мӯлакаммат̣т̣ха̄нам̣. па̄са̄диканти паса̄да̄вахам̣. евамахосӣти ‘‘ла̄бха̄ вата ме’’тиа̄дина̄ евам̣ паривитакко ахоси. нисиннасадисоти нисинно вийа. тасмим̣йева т̣ха̄нети йасмим̣ т̣ха̄не нисиннам̣ ма̄ро упасан̇ками, тасмим̣йева т̣ха̄не. тасса̄ти самиддхиттхерасса. каммат̣т̣ха̄нам̣ саппа̄йанти каммат̣т̣ха̄набха̄вана̄йа ануйун̃джанам̣ саппа̄йам̣ упака̄ра̄вахам̣ бхависсати.

майханти майа̄. сати ча пан̃н̃а̄ ча сатипан̃н̃а̄, та̄ арийамаггена джа̄нанасаматтханабха̄вена авабуддха̄. тхеро кира тада̄ випассанам̣ уссукка̄песи. ка̄манти йатха̄ручи. кечи ‘‘ка̄мам̣ карассӯти а̄йасмато ‘ка̄ма̄’ти ма̄расса а̄лапана’’нти ваданти. вибхим̣сака̄раха̄нӣти бхайа̄нака̄раха̄ни. рӯпа̄нӣти виппака̄ра̄ни. виппака̄раттхопи хи рӯпасаддо ‘‘рӯпам̣ дассети анаппака’’нтиа̄дӣсу вийа. на кампессасӣти саман̣адхаммакаран̣ато на чалиссаси.

самиддхисуттаван̣н̣ана̄ нит̣т̣хита̄.