2. пан̃чара̄джасуттаван̣н̣ана̄

123. рӯпа̄ти рӯпасан̇кха̄та̄ ка̄магун̣а̄. те пана нӣла̄дивасена анекабхедабхинна̄пи рӯпа̄йатанатта̄ чаккхувин̃н̃еййатам̣ на̄тиваттантӣти а̄ха ‘‘нӣлапӣта̄дибхедам̣ рӯпа̄рамман̣а’’нти. то-саддопи да̄-саддо вийа ка̄латтхо хотӣти а̄ха ‘‘йатоти йада̄’’ти. манам̣ а̄пайати вад̣д̣хетӣти мана̄пам̣, манорамам̣. мана̄паниппхаттитанти тасса пуггаласса манаса̄ пийа̄йитам̣, тасса аггабха̄вена парийантам̣ парамам̣ кот̣им̣ катва̄ паваттитанти аттхо. пуггаламана̄панти а̄рамман̣асабха̄вам̣ ачинтетва̄ пуггаласса васена мана̄пабха̄венева ит̣т̣хата̄йа ит̣т̣ханти. саммутӣти саман̃н̃а̄. пуггаламана̄пам̣ на̄ма сан̃н̃а̄випалла̄савасена випарӣтампи ган̣ха̄ти итарасабха̄ватоти а̄ха ‘‘йам̣ екасса…пе… ит̣т̣хам̣ канта’’нти. ида̄ни там̣ дживха̄вин̃н̃еййавасена йоджетва̄ дассенто ‘‘паччантава̄сӣна’’нтиа̄дима̄ха. идам̣ пуггаламана̄панти идам̣ йатха̄вуттам̣ дживха̄вин̃н̃еййам̣ вийа ан̃н̃ампи евам̣джа̄тикам̣ тена тена пуггалена мана̄панти гахетабба̄рамман̣ам̣ пуггаламана̄пам̣ на̄ма.

локе пат̣ивибхаттам̣ наттхи, вибхаджитва̄ дассанена локена мадхураджа̄тенапи пат̣ивибхаттам̣ катва̄ гахетум̣ на саккун̣еййа̄ти адхиппа̄йо. тена̄ха ‘‘вибхаджитва̄ пана дассетабба’’нти. диббакаппампӣти девалокапарийа̄паннасадисампи амана̄пам̣ упат̣т̣ха̄ти ул̣а̄рапан̣ӣта̄рамман̣апаричайато. маджджхима̄нам̣ пана…пе… вибхаджитаббам̣ тесам̣ мана̄пасса мана̄пато, амана̄пасса амана̄пато упат̣т̣ха̄нато. таттхапи ит̣т̣ха̄нит̣т̣хапариччхедо ниппарийа̄йато евам̣ ведитабботи дассенто а̄ха ‘‘тан̃ча панета’’нтиа̄ди. тан̃ча панетам̣ ит̣т̣ха̄нит̣т̣хабхӯтам̣ а̄рамман̣ам̣ ка̄ма̄вачараджаванесу акусаласса васена йебхуййена паваттатӣти катва̄ таттха ‘‘раджджати дуссатӣ’’ти акусалассева паватти дассита̄. сесака̄ма̄вачарассапи васена паватти лаббхатева. татха̄ хи там̣ аппат̣икӯлепи пат̣икӯла̄ка̄рато, пат̣икӯлепи аппат̣икӯла̄ка̄рато паваттатӣти. випа̄качиттам̣ ит̣т̣ха̄нит̣т̣хам̣ париччхиндати, на сакка̄ випа̄кам̣ ван̃четунти. кусалакаммам̣ хи екантато ит̣т̣хамева, акусалакамман̃ча анит̣т̣хамева, тасма̄ таттха уппаджджама̄нам̣ випа̄качиттам̣ йатха̄сабха̄вато паваттатӣти.

йам̣ пана саммохавиноданийам̣ ‘‘кусалакаммаджам̣ анит̣т̣хам̣ на̄ма наттхӣ’’ти еттакамева вуттам̣, там̣ пана нидассанаматтам̣ дат̣т̣хаббам̣. тена собханам̣ акусалакаммаджампи екачча̄нам̣ сатта̄нам̣ ит̣т̣ханти анун̃н̃а̄там̣ сийа̄. кусалакаммаджам̣ пана саббесам̣ ит̣т̣хамева̄ти ваданти. тираччха̄нагата̄нам̣ кесан̃чи мануссарӯпам̣ амана̄пам̣, йато те дисва̄ва пала̄йанти. манусса̄ ча девата̄нам̣ рӯпам̣ дисва̄ бха̄йанти, тесампи випа̄кавин̃н̃а̄н̣ам̣ там̣ рӯпам̣ а̄раббха кусалавипа̄камева уппаджджати, та̄дисасса пана пун̃н̃асса абха̄ва̄ на тесам̣ таттха абхирати хотӣти дат̣т̣хаббам̣. кусалакаммаджасса пана анит̣т̣хасса абха̄во вийа акусалакаммаджасса собханасса ит̣т̣хасса абха̄во ваттаббо. хаттхиа̄дӣнампи хи акусалакаммаджам̣ манусса̄нам̣ акусалавипа̄кассева а̄рамман̣ам̣, кусалакаммаджам̣ пана паватте самут̣т̣хитам̣ кусалавипа̄касса, ит̣т̣ха̄рамман̣ена вомиссакатта̄ аппакам̣ акусалакаммаджам̣ бахулам̣ акусалавипа̄куппаттийа̄ ка̄ран̣ам̣ на бхависсатӣти сакка̄ ваттум̣. ида̄ни тамева випа̄кавасена ит̣т̣ха̄нит̣т̣ха̄рамман̣ававаттха̄нам̣ вибха̄ветум̣ ‘‘кин̃ча̄пи хӣ’’тиа̄ди вуттам̣. тайидам̣ саммутимана̄пасам̣вибха̄гаттхам̣ вуттам̣, идха пана на татха̄ вибхаттанти а̄ха ‘‘бхагава̄ пана̄’’тиа̄ди.

со упа̄сако чанданан̇галага̄ме джа̄татта̄ ‘‘чанданан̇галико’’ти пан̃н̃а̄йати, ‘‘чанданавила̄со’’ти кечи. тасса упа̄сакасса пат̣ибха̄нам̣ удапа̄дӣти йоджана̄. те ра̄джа̄но хатаппабхе хатасобхе дисва̄ти самбандхо. удака̄бхиситтети удакена абхисин̃чите. ан̇га̄ре вийа̄ти ан̇га̄раккхан̣е вийа.

ка̄лассева̄ти пагева. авигатагандхам̣ тан̇кхан̣авикаситата̄йа. ӣдисам̣ вачананти ‘‘аччха̄десӣ’’ти еварӯпам̣ вачананти.

пан̃чара̄джасуттаван̣н̣ана̄ нит̣т̣хита̄.